Вы тут

Загадчыца аднаго з ламбардаў скрала грошы ўстановы


Зрабіла яна гэта шляхам падробкі залогавых білетаў, паведамілі ў аддзеле інфармацыі і грамадскіх сувязяў ГУУС Мінгарвыканкама.


Супрацоўнікамі падраздзялення па барацьбе з эканамічнымі злачынствамі крымінальнай міліцыі Кастрычніцкага РУУС г. Мінска ўстаноўлены факт прысваення грашовых сродкаў былой загадчыцай аднаго з ламбардаў сталіцы. Прысвоена больш за 8 тысяч рублёў за кароткі прамежак часу.

Высветлілася, што на працягу трох месяцаў былая загадчыца ламбарда, злоўжываючы службовымі паўнамоцтвамі, на сістэматычнай аснове шляхам падробкі закладных білетаў здзяйсняла крадзеж грашовых сродкаў ламбарда.

Схема прысваення грошай была вельмі простая: жанчына афармляла залогавыя білеты ад неіснуючых фізічных асоб, якія сведчылі аб прыёме нібыта каштоўных металаў. Насамрэч яна набывала ў гандлёвых цэнтрах сталіцы біжутэрыю і паказвала іх у закладных білетах як каштоўны метал.

Аператыўнікі правялі агляд ламбарда, падчас якога былі канфіскаваныя залогавыя білеты з вырабамі, аформленыя загадчыцай ламбарда, і якія выклікалі падазрэнні ў сваёй сапраўднасці, а таксама копіі відэазапісаў камер відэаназірання. Акрамя таго, супрацоўнікамі ламбарда праведзена інвентарызацыя і праверка вырабаў з дапамогай хімічных рэактываў на сапраўднасць, па выніках якой устаноўлена, што па закладных білетах здадзены вырабы, якія не з'яўляюцца каштоўнымі металамі.

У дачыненні да былой загадчыцы ламбарда заведзена крымінальная справа за прысваенне або растрату. Яна можа быць пакараная пазбаўленнем волі на тэрмін ад двух да сямі гадоў з канфіскацыяй маёмасці і з пазбаўленнем права займаць пэўныя пасады або займацца пэўнай дзейнасцю.

Сяргей РАСОЛЬКА

Дадаць каментар

Выбар рэдакцыі

Грамадства

Зміцер Жылуновіч. Таварыш пясняр

Зміцер Жылуновіч. Таварыш пясняр

Ён быў аўтарам Маніфеста аб абвяшчэнні Савецкай Беларусі, першым прэм'ер-міністрам рэспублікі, яго двойчы выключалі з партыі, ён мог стаць першым народным паэтам...

Грамадства

Прэзідэнт зрабіў кадравыя прызначэнні

Прэзідэнт зрабіў кадравыя прызначэнні

Аляксандр Лукашэнка даў згоду на прызначэнне рэктараў і кіраўнікоў раёнаў і прадпрыемстваў.

Калейдаскоп

Чым здзівіў Беларускі тыдзень моды

Чым здзівіў Беларускі тыдзень моды

Пазнаёміцца з навінкамі ад беларускіх дызайнераў можна было на тыдні моды, які праходзіў у Мінску з 7 да 11 лістапада.