Звычайная гісторыя — набылі саджанец, пасадзілі, старанна даглядалі. А ён вазьмі і падмерзні... Час змарнаваны. Вядома, зараз ніхто не стане саджаць толькі раянаваны сорт. Вельмі шмат на рынку ўсялякіх рэдкасцяў і незвычайнага.
Знешне саджанец павінен выглядаць так: карані свежыя, непадсушаныя, непадмарожаныя, не карацейшыя за 30 см. Чым даўжэйшыя і больш разгалінаваныя карані, тым лепш саджанец прыжывецца і хутчэй будзе расці.
Праверыць карані нескладана — на зрэзе яны павінны быць белага колеру. Падсушаныя і падмарожанаыя карані будуць бурага колеру. Калі на каранях бачныя ўздуцці, жаўлакі, значыць, яны заражаныя валлякаватасцю (рак каранёў) і годныя толькі для вогнішча.
Штамб павінен быць прамы, з загоенымі ранамі, з гладкай і здаровай карой. Варта агледзець яе на прадмет механічных пашкоджанняў. Асабліва шкодныя сляды ад граду. У месцы градабою ствол можа проста адламацца.
Добрай кронай лічыцца тая, якая мае не менш за тры-чатыры добра развітыя галінкі, раўнамерна размешчаныя ў розныя бакі, а таксама павінен быць прамы вядучы парастак — правадыр або ствол. Ён таксама павінен быць здаровы, без слядоў раку кары ці цытаспарозу.
Ірына Тамковіч
Мерапрыемства праводзіцца на добраахвотнай аснове.
Не выявіць ні секунды абыякавасці.
