Вы тут

Інтэрнэт-роўмінгам беларусы карыстаюцца нават у Мазамбіку


Беларусы сталі спажываць больш інтэрнэт-трафіку ў замежных паездках. Аналізуючы BіgDаtа, эксперты МТС прагназуюць, што бягучы год стане рэкордным па аб'ёмах спажывання інтэрнэту. Надзвычай актыўным аказаўся сезон адпачынкаў: калі мінулым летам абаненты ў роўмінгу прапампавалі 244 907 МБ трафіку, то гэтым — 2 670 116 МБ, што значыць: інтэрнэт-трафік вырас больш чым у 10 разоў.


Бум спажывання інтэрнэт-трафіку ў МТС звязваюць з запускам паслугі «Unlіm за мяжой». Яна дазволіла абанентам карыстацца інтэрнэтам у роўмінгу без абмежаванняў па аб'ёме, што, у сваю чаргу, змяніла стаўленне беларусаў да анлайн-роўмінгу, забяспечыла большы ўзровень свабоды, чым абаненты і скарысталіся.

А вось галасавымі званкамі ў роўмінгу сталі карыстацца радзей. Усе апошнія гады дынаміка галасавых кантактаў дэманструе адмоўную тэндэнцыю. У параўнанні з 2017 годам колькасць званкоў у роўмінгу зменшылася на 12 %. Тое ж самае датычыцца і SMS, колькасць якіх скарацілася на 21 %.

За летнія месяцы абаненты МТС наведалі больш за 120 краін. Найбольш актыўна інтэрнэт-трафік беларусы выкарыстоўвалі ў Расіі, Украіне і Турцыі. Акрамя таго, абаненты МТС часта знаходзіліся анлайн у Польшчы, Літве і Італіі. У першую дзясятку таксама ўвайшлі Германія, Іспанія, Латвія і Грэцыя.

Акрамя падарожжаў па топавых напрамках, беларусы гэтым летам наведвалі і экзатычныя краіны, напрыклад Мазамбік, Перу, Грэнландыю, Панаму і Аргенціну.

Надзея НІКАЛАЕВА

Выбар рэдакцыі

Культура

Што паглядзець у брэсцкім музеі выратаваных каштоўнасцяў

Што паглядзець у брэсцкім музеі выратаваных каштоўнасцяў

Брэсцкі музей выратаваных каштоўнасцяў можна назваць мясцовым Луўрам — калі ўвогуле дарэчы параўноўваць адну культуру з іншай.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

— Хлопцы, не біце, я — ва-а-аш!..

Грамадства

Як дэпутаты вырашаюць праблемы жыхароў Брэсцкай вобласці

Як дэпутаты вырашаюць праблемы жыхароў Брэсцкай вобласці

У мясцовых Саветах Брэсцкай вобласці ажыццяўляюць дэпутацкую дзейнасць 2962 дэпутаты. 

Грамадства

Чым жыве найлепшая маладая сям'я штурмавой авіяцыйнай базы ў Лідзе

Чым жыве найлепшая маладая сям'я штурмавой авіяцыйнай базы ў Лідзе

Абодва яны спяваюць, пішуць вершы пра сваю сям'ю і іграюць на музычных інструментах.