Як паведамілі «Звяздзе» ў Камітэце дзяржаўнага кантролю, фінансавая міліцыя раскрыла шэрую схему гандлю дарагой бытавой тэхнікай.
Упраўленнем Дэпартамента фінансавых расследаванняў КДК па Мінскай вобласці і горадзе Мінску спынены гандаль бытавой тэхнікай праз інтэрнэт без выплаты падаткаў. Затрымана некалькі чалавек, якія ўвозілі і рэалізоўвалі на тэрыторыі краіны шырокадыяганальныя тэлевізары апошніх мадэляў, гукавыя панэлі і дарагую тэхніку з парушэннем дзеючага заканадаўства.
У поле зроку аператыўнікаў фінансавай міліцыі сталічная фірма па продажы бытавой тэхнікі трапіла яшчэ ў 2017 годзе. Як высветлілася, толькі частку сваіх тавараў камерцыйная структура рэалізоўвала з выплатай усіх падаткаў. Астатнія набывалі і прадавалі за наяўны разлік. Гэтыя здзелкі не адлюстроўваліся ў бухгалтарскай дакументацыі, што дазваляла арганізатарам шэрай схемы не плаціць падаткі пасля рэалізацыі няўлічанай бытавой тэхнікі.
Усяго ў бюджэт не паступіла больш за 570 тысяч рублёў. У дачыненні да кіраўніка камерцыйнай структуры заведзена крымінальная справа па ч. 2 арт. 243 Крымінальнага кодэкса (ухіленне ад выплаты падаткаў у асабліва буйным памеры).
Асобна трэба сказаць, што ў незаконны бізнес былі ўцягнутыя жыхары беларуска-польскага памежжа. «Пад заказ» сталічнай фірмы яны ўвозілі на тэрыторыю краіны бытавую тэхніку, якая захоўвалася ў Мінску ў арандаваным гаражы і прыватным доме кіраўніка камерцыйнай структуры.
У ходзе праверкі выяўлена каля 70 адзінак бытавой тэхнікі без дакументаў, якія пацвярджаюць іх набыццё. Кошт канфіскаваных тавараў складае не менш за 120 тысяч долараў.
Сяргей КУЛАКОЎ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».