Выстава прадукцыі прадпрыемстваў і арганізацый аб'яднае на I Форуме рэгіёнаў Беларусі і Украіны, які пройдзе 25-26 кастрычніка ў Гомелі, больш за 140 вытворцаў дзвюх краін. Пра гэта паведаміла сёння журналістам генеральны дырэктар Гомельскага аддзялення Беларускай гандлёва-прамысловай палаты Марына Філонава, перадае БЕЛТА.
"Цікавасць да выставы праяўляюць прадстаўнікі абедзвюх краін. На сёння свой удзел у мерапрыемстве ўжо пацвердзілі 57 прадпрыемстваў Украіны і 89 - Беларусі. Прагназуем, што гэты лік павялічыцца", - сказала Марына Філонава. Паводле слоў гендырэктара, пра намер прадставіць свой прамысловы патэнцыял заявілі 14 абласцей Украіны і ўсе рэгіёны нашай краіны.
Выстава разгорнецца на двух пляцоўках. Так, у Палацы лёгкай атлетыкі сваю прадукцыю прэзентуюць прадпрыемствы харчовай, лёгкай, нафтахімічнай, будаўнічай і іншай прамысловасці. Экспазіцыю сфарміруюць па галіноваму прынцыпу. На плошчы Леніна абласнога цэнтра будзе экспанавацца буйнагабарытная тэхніка беларускіх прамысловых гігантаў: "Гомсельмаша", "Беларуснафты", "Амкадора" і іншых.
Прадугледжаны прэзентацыі рэгіёнаў, прадпрыемстваў, кампаній і арганізацый, а таксама правядзенне перамоваў, кансультацыйнага савета з удзелам больш за 250 прадстаўнікоў бізнесу і дзелавых колаў. Запланаваны кірмашы-продажы, дэгустацыі.
У гэтыя ж дні будзе працаваць кірмаш прадукцыі і вырабаў дэкаратыўна-прыкладнога мастацтва. Свае работы на ёй прадставяць рамеснікі з Чарнігаўскай вобласці, усіх раёнаў Гомельскай вобласці, а таксама з іншых рэгіёнаў Беларусі.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
