Вы тут

Беларуская чыгунка пераводзіць кантэйнерныя перавозкі ў лічбавы фармат


З 22 кастрычніка Беларуская чыгунка і ААТ “Расійскія чыгункі” будуць ажыццяўляць перавозкі грузаў у кантэйнерах і парожніх кантэйнераў ў паведамленні Беларусь — Расія па электронных дакументах, паведамілі ў прэс-цэнтры магістралі.


Фота: sputnik.by

З гэтай даты ва ўсіх беларускіх удзельнікаў знешнеэканамічнай дзейнасці — грузаадправіцеляў, грузаатрымальнікаў, экспедытараў — з'явіцца магчымасць арганізаваць перавозку грузаў у кантэйнерах і парожніх кантэйнераў прызначэннем на станцыі ААТ “Расійскія чыгункі” па ўсіх пагранпераходах (за выключэннем Калінінградскай чыгункі ААТ “Расійскія чыгункі”) на аснове юрыдычна значных электронных перавозачных дакументаў, падпісаных электронным лічбавым подпісам на станцыях адпраўлення Беларускай чыгункі без афармлення накладных на папяровых носьбітах.

Для Беларускай чыгункі развіццё грузавых перавозак з'яўляецца адным з прыярытэтных. Магістраль імкнецца стварыць максімальна камфортныя, прывабныя і канкурэнтаздольныя ўмовы для кліента па перавозцы грузаў. З гэтай мэтай у апошнія гады дарога сканцэнтравалася на ўкараненні спецыялізаванай сістэмы “Электронная перавозка”. Варта адзначыць, што ў 2012 годзе чыгуначнікі Беларусі і Расіі першымі на еўразійскай транспартным палігоне пачалі выкарыстоўвваць юрыдычна значныя электронныя перавозачныя дакументы ў грузавых зносінах.

У цяперашні час у зносінах Беларусь — Расія практычна ўся наменклатура грузавых двухбаковых чыгуначных перавозак перакладзена на беспапяровыя лічбавыя тэхналогіі.

Кантэйнерныя перавозкі з'яўляюцца адным з самых запатрабаваных відаў перавозак і дэманструюць стабільную дынаміку росту.

Сяргей РАСОЛЬКА

Выбар рэдакцыі

Спорт

Сёння стартуе адзін з найстарэйшых турніраў Еўропы

Сёння стартуе адзін з найстарэйшых турніраў Еўропы

111-ы чэмпіянат Еўропы па фігурным катанні пачынаецца на «Мінск-Арэне» жаночымі выступленнямі адзіночак. 

Грамадства

Які няякасны тавар можна сустрэць у магазінах?

Які няякасны тавар можна сустрэць у магазінах?

Вось вы, напрыклад, ведаеце, што не так у дзіцячым адзенні турэцкага вытворцы?

Грамадства

У Чавусах створана сістэма па падтрымцы людзей і чалавечых сувязяў

У Чавусах створана сістэма па падтрымцы людзей і чалавечых сувязяў

Клопат аб людзях паважнага ўзросту набывае ў нашым грамадстве асаблівае значэнне.