Вы тут

Узровень беспрацоўя ў сталіцы знізіўся ў тры разы


З пачатку года ўзровень беспрацоўя ў сталіцы скараціўся ў 3 разы і складае 0,1%. Пра гэта паведаміла на пасяджэнні Мінскага гарадскога выканаўчага камітэта старшыня камітэта па працы, занятасцi i сацыяльнай абароне Мінгарвыканкама Жанна Рамановіч.


Сталічны рынак працы ў бягучым годзе характарызуе станоўчая дынаміка стварэння новых працоўных месцаў у асноўным сектары эканомікі.

- Да 43% новых працоўных месцаў створана арганізацыямі гэтага сектара. За 8 месяцаў прадпрыемствы прынялі на дадатковыя ўведзеныя працоўныя месцы 6,3 тыс. чалавек, - удакладніла Ж. Рамановіч. - Узрасла рэгістрацыя індывідуальных прадпрымальнікаў і юрыдычных асоб: на 4,6% і 10,4% - адпаведна.

З пачатку года ў дзяржаўную службу занятасці па садзейнічанне ў працаўладкаванні звярнулася больш за 11,5 тыс. чалавек. Статус беспрацоўнага атрымалі больш за 5 тыс. чалавек, і гэта ўдвая менш, чым за аналагічны перыяд мінулага года. Такім чынам, у бягучым годзе знізілася рэгіструемае беспрацоўе. Актыўнымі мерамі садзейнічання занятасці было ахоплена 75% грамадзян, якія звярнуліся ў службу. На пастаянную і часовую працу працаўладкавана больш за 8 тыс. чалавек. На прафесійнае навучанне і перападрыхтоўку накіравана 420 грамадзян. Устойлівы рост колькасці работнікаў адзначаўся ў сферах інфармацыі і сувязі, аптовага і рознічнага гандлю, аховы здароўя і сацыяльных паслуг.

Яшчэ адна асаблівасць рынку працы - узрослы лік заяўленых наймальнікамі вакансій. Так, на 1 кастрычніка ў дзяржаўную службу занятасці іх было заяўлена больш за 17 тыс., што на 35,5% больш колькасці ўзроўню мінулага года. Пры гэтым больш за 62% вакансій - па рабочых прафесіях і спецыяльнасцях.

- Прымаемыя меры па садзейнічанні занятасці дазволілі ў тры разы знізіць узровень зарэгістраванага беспрацоўя ў параўнанні з аналагічным перыядам мінулага года, і сёння ён складае 0,1%, - падкрэсліла Ж. Рамановіч.

У цяперашні час у адміністрацыях раёнаў створаны камісіі, якія аказваюць дапамогу тым, хто звярнуўся па дапамогу ў працаўладкаванні. Атрымаць поўную і актуальную інфармацыю аб рабоце камісій і магчымасцях працаўладкавання можна на сайтах адміністрацый, дзе размешчаны спецыяльныя раздзелы.

У Мінску вызначаны аб'екты для грамадскіх работ, фармуецца і абнаўляецца банк сезонных і часовых работ. Так, у 2017 г. было вызначана 140 такіх аб'ектаў і створана амаль 900 працоўных месцаў, у 2018 г. - 98 аб'ектаў і больш за 1,5 тыс. працоўных месцаў.

На базе сталічных тэрытарыяльных цэнтраў сацыяльнага абслугоўвання насельніцтва працуюць кансультацыйныя пункты. Створана і функцыянуе шматканальная гарачая тэлефонная лінія па садзейнічанні непрацуючым грамадзянам. Штомесяц праводзяцца адрасныя мерапрыемствы.

- Магчымасці працаўладкаваць беспрацоўных, а калі трэба, то і навучыць альбо накіраваць на перападрыхтоўку, у нас маюцца. На гэта выдзелены сродкі. Ва ўстановах адукацыі створаны ўмовы для навучання і перападрыхтоўкі дарослага насельніцтва, - склала Ж. Рамановіч.

minsknews.by

Выбар рэдакцыі

Культура

Як у Чавускім раёне праводзіліся святыя вечары

Як у Чавускім раёне праводзіліся святыя вечары

Традыцыя варажыць на нарачонага прыйшла з язычніцкіх часоў.

Грамадства

Мастацкі кіраўнік «Песняроў» пра радасці і складанасці сямейнага жыцця

Мастацкі кіраўнік «Песняроў» пра радасці і складанасці сямейнага жыцця

«Я лічу, што мужчына можа заводзіць сям'ю, калі ў яго ўжо ёсць сваё жыллё або выразная перспектыва, калі яно з'явіцца».

Грамадства

Небяспечныя гульні. На што трэба звярнуць увагу бацькам падлеткаў

Небяспечныя гульні. На што трэба звярнуць увагу бацькам падлеткаў

Днямі суд Першамайскага раёна Мінска абвясціў прысуд удзельнікам вечарынкі, падчас якой 19-гадовая дзяўчына загінула ад ужывання псіхатропу

Эканоміка

Падрыхтаваны праект новага ўказа аб аднаўляльных крыніцах энергіі

Падрыхтаваны праект новага ўказа аб аднаўляльных крыніцах энергіі

Так званая «зялёная» энергетыка ў апошнія гады развіваецца ў нашай краіне хуткімі тэмпамі.