Вы тут

"Белавія" будзе здзяйсняць палёты ў Баку 4 разы на тыдзень


ААТ “Авіякампанія “Белавія” і “Азербайджанскія Авіялініі” (AZAL) падпісалі двухбаковае пагадненне аб сумеснай эксплуатацыі авіялініі (код-шэрынг) Мінск — Баку з 28 кастрычніка.


Паводле яго, авіякампанія “Белавія” выступіць перавозчыкам-аператарам, а “Азербайджанскія авіялініі” — маркетынгавым партнёрам на лініі Мінск — Баку — Мінск. Такім чынам, з 28 кастрычніка рэйсы па дадзеным маршруце будуць выконвацца беларускай авіякампаніяй пад сваім кодам В2 і пад кодам азербайджанскага перавозчыка — J2.

— З пераходам на зімовы расклад авіякампанія “Белавія” павялічвае частату выканання палётаў у Баку да чатырох разоў у тыдзень. Вылеты з Мінска будуць ажыццяўляцца па панядзелках, серадах, пятніцах і суботах у 23.15 і прыбыццём у Баку на наступны дзень у 3.35. Вылеты з Баку будуць выконвацца па аўторках, чацвяргах, суботах і нядзелях у 4.35 і прылётам у Мінск у 7.10, — паведаміла спецыяліст па сувязях з грамадскасцю ААТ “Авіякампанія “Белавія” Вольга Шчуко.

Падпісанае пагадненне аб сумеснай эксплуатацыі рэйса Мінск — Баку — Мінск павінна значна павысіць яго прывабнасць для пасажыраў двух авіякампаній, якія вандруюць транзітам праз аэрапорты Мінска і Баку. Дзвюма авіякампаніямі плануецца істотны рост транзітных пасажыраў, якія будуць выкарыстоўваць аэрапорты сталіц дзвюх дзяржаў.

Сяргей РАСОЛЬКА

Выбар рэдакцыі

Калейдаскоп

Вясёлыя гісторыі чытачоў

Вясёлыя гісторыі чытачоў

Галаву можна вешаць, ламаць, сушыць, намыльваць... Але не губляць!

Грамадства

Як шматдзетная сям’я будуе жыллё з дапамогай дзяржаўнай субсідыі

Як шматдзетная сям’я будуе жыллё з дапамогай дзяржаўнай субсідыі

Святлана, шматдзетная мама з вёскі Чарнаўчыцы, што пад Брэстам, падзялілася гісторыяй іх сям'і і дома.

Грамадства

Камень Узнясення, «Стопачка» і «Руская свечка». Што паглядзець у Іерусаліме?

Камень Узнясення, «Стопачка» і «Руская свечка». Што паглядзець у Іерусаліме?

Аўтобусы з паломнікамі і турыстамі ніколі не праязджаюць міма гэтых знакавых, і не толькі для хрысціян, святынь.