УУС Мінаблвыканкама апублікавала відэа ДТЗ пад Валожынам

19.10.2018 13:34

Прэс-служба УУС Мінаблвыканкама на сваім канале ў YouTube апублікавала відэа, на якім адлюстраваны момант дарожна-транспартнага здарэння з удзелам маршруткі ў Валожынскім раёне.

Жудасная аварыя адбылася ўчора ноччу на 74-ым кіламетры трасы М6. На кадрах відэазапісу бачна, як мікрааўтобус на поўным ходу ўразаецца ў бетонныя блокі агароджы на месцы, дзе праводзіліся рамонтныя работы.

Як паведамлялася раней, у аварыі загінулі два чалавекі. Пажылая жанчына памерла на месцы. 71-гадовы пасажыр быў дастаўлены ў бальніцу, але мужчына ад атрыманых шматлікіх траўмаў памёр. Яшчэ 15 чалавек, у тым ліку 46-гадовы вадзіцель Mercedes-Benz Sprinter, былі шпіталізаваны. Сярод іх двое дзяцей (5 і 11 гадоў) і цяжарная жанчына.

Па факце дарожна-транспартнага здарэння ўзбуджана крымінальная справа.