Вы тут

Камандзір роты і прапаршчык з Печаў асуджаны да 6 і 4 гадоў калоніі


Мінскі абласны суд абвясціў судовую пастанову па крымінальнай справе ў дачыненні да двух вайскоўцаў - Артура Вірбала і Паўла Сукавенкі, перадае БЕЛТА.


Вайскоўцы прызнаныя вінаватымі ў здзяйсненні злачынстваў, прадугледжаных ч.1 і 2 арт.455 КК. Гаворка ідзе пра перавышэнне ўлады і службовых паўнамоцтваў, учыненым з іншай асабістай зацікаўленасці (Сукавенка - з карыслівай зацікаўленасці), які прывёў да прычыненні істотнай шкоды правам і законным інтарэсам грамадзян, дзяржаўным і грамадскім інтарэсам, а таксама ў перавышэнні ўлады, звязаным з гвалтам.

Камандзір роты Павел Сукавенка асуджаны на 6 гадоў, а прапаршчык Артур Вірбал - да 4 гадоў пазбаўлення волі ў калоніі ўзмоцненага рэжыму. Яны пазбаўленыя права займаць пэўныя пасады на працягу пяці гадоў, а таксама воінскіх званняў "старшы лейтэнант", "прапаршчык".

Прысуд у законную сілу не ўступіў і можа быць абскарджаны і апратэставаны ва ўстаноўленым законам парадку.

Артур Вірбал быў старшыной роты, у якой у 72-м АНЦ ў Печах служыў Аляксандр Коржыч, а Павел Сукавенка - яе былы камандзір.

Вірбал сваю віну прызнаў цалкам. Як вынікае з матэрыялаў абвінавачання, ён неаднаразова збіваў падначаленых, у тым ліку драўлянай палкай, прымушаў адціскацца. Такое пакаранне ўжывалася як за недагляды па службе, так і па надуманых прычынах.

Павел Сукавенка, па дадзеных следства, прысвойваў частку штомесячнага грашовага жалавання, якое павінен быў выдаваць вайскоўцам. Акрамя таго, ён прымушаў падначаленых адціскацца, збіваў іх драўлянай палкай за няправільныя адказы пры праверцы ведаў статута, патрабаваў купляць яму прадукты і цыгарэты. Сваю віну ён прызнаў часткова. Абвінавачаны адмаўляе, што збіваў вайскоўцаў.

Выбар рэдакцыі

Грамадства

Пастырскае Пасланне Мітрапаліта Тадэвуша Кандрусевіча на Вялікдзень

Пастырскае Пасланне Мітрапаліта Тадэвуша Кандрусевіча на Вялікдзень

Глыбокапаважаныя святары, кансэкраваныя асобы, браты і сёстры!

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Ён прымеркаваны да Года малой радзімы.

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў.