Вы тут

Прэзідэнт наведаў агратурыстычны комплекс «Гарадзенскі маёнтак «Каробчыцы»


Перад сустрэчай са студэнтамі Гродзенскага дзяржаўнага ўніверсітэта імя Янкі Купалы кіраўнік дзяржавы наведаў агратурыстычны комплекс «Гарадзенскі маёнтак «Каробчыцы», стылізаваны пад сядзібу ХІХ стагоддзя. Комплекс створаны Гродзенскім мясакамбінатам. На дагледжанай тэрыторыі плошчай больш за 50 гектараў размясціліся стайня, кузня, дзіцячыя пляцоўкі, заапарк і рэстаран. Летась тут заклалі дэндрапарк, дзе плануецца высадзіць больш за 400 відаў раслін. Вядомыя «Каробчыцы» і конна-спартыўным клубам «Амадэус».


Яшчэ не дайшоўшы да брамы комплексу, беларускі лідар пацікавіўся ў кіраўніцтва Гродзенскай вобласці сітуацыяй у сельскай гаспадарцы. Старшыня аблвыканкама Уладзімір Краўцоў расказаў пра недабор збожжа з-за неспрыяльных кліматычных умоў. Адсюль паўстала праблема ў жывёлагадоўлі — забеспячэнне кармамі, якая цяпер вырашаецца.

«Трэба паглядзець, што ў нас у рэзерве. Рэзервы ў краіне добрыя, і, можа быць, пазычыць гродзенцам, каб ім не прыйшлося марнаваць грошы, купляючы зерне. У будучыні яны вернуць гэты доўг», — адказаў кіраўнік дзяржавы.

У самім агратурыстычнам комплексе Прэзідэнт звярнуў увагу на неабходнасць развіваць сельскія населеныя пункты, не зацыклівацца на гарадах. Цэнтральны пасыл: кіраўніцтву трэба глядзець на ўсе пытанні па-гаспадарску і не замахвацца на землі, дзе гродзенцы ўмеюць гаспадарыць.

Беларускаму лідару далажылі аб развіцці Гродна, аб мясцовай інфраструктуры, дарогах, мастах, развязках, гістарычных будынках.

Пасля Аляксандр Лукашэнка наведаў паветраапорную крытую лядовую пляцоўку дзяржаўнай установы «Хакейны клуб «Нёман» ва ўрочышчы Пышкі, а таксама паветраапорны крыты футбольны манеж аднайменнага футбольнага клуба.

Уладзіслаў ЛУКАШЭВІЧ

Выбар рэдакцыі

Культура

У нядзелю яўрэі святкуюць Новы год дрэў

У нядзелю яўрэі святкуюць Новы год дрэў

На гэта свята асаблівым чынам спажываюць розную садавіну, запіваючы келіхамі добра разбаўленага віна.

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».