Мужчына выкраў апарат ЭКГ коштам больш як Br4 тыс. з прыёмнага аддзялення Мінскай абласной клінічнай бальніцы, паведамляе БЕЛТА.
Паведамленне аб крадзяжы паступіла ў аператыўна-дзяжурную службу Бараўлянскага аддзела міліцыі. Прапажу дарагога медыцынскага абсталявання выявіла медсястра, якая ў мужчынскай назіральнай апытвала чарговага пацыента. Яна знайшла на падлозе сеткавы шнур ад апарата. Супрацоўнікі міліцыі прагледзелі запісы камеры відэаназірання і высветлілі асобу злодзея.
«Высветлілася, што мужчыну ў бальніцу даставіла брыгада хуткай дапамогі. У назіральнай ён павінен быў дачакацца ўрача, але вырашыў зрабіць інакш. Прыхапіўшы прыбор, зламыснік спакойна пакінуў ўстанову аховы здароўя. Толькі ён не ўлічыў, што ў суправаджальным лісце, які запаўнялі медработнікі, ўказаны яго дадзеныя. Выкрадальнікам апынуўся 36-гадовы жыхар Мінскага раёна", - распавёў намеснік начальніка Мінскага РУУС Юрый Кусто.
Зламыснік быў затрыманы і змешчаны ў ізалятар часовага ўтрымання. Выкрадзенае канфіскавана. За крадзеж у дачыненні да мужчыны распачата крымінальная справа па ч.1 арт. 205 КК. Яму пагражае пазбаўленне волі да 3 гадоў.
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
