Вы тут

Падчас акцыі «Чысты лес» валанцёры добраўпарадкавалі больш за 2000 аб'ектаў


Чысціць лес лепш талакою.


Кі­раў­нік Ад­мі­ніст­ра­цыі Прэ­зі­дэн­та На­тал­ля Ка­ча­на­ва  пад­час ак­цыі да­па­ма­га­ла вы­са­джваць дрэ­вы і кус­ты  ка­ля рэс­пуб­лі­кан­ска­га за­каз­ні­ка «Ле­бя­дзі­ны».

На працягу дня 20 кастрычніка валанцёры дапамагалі работнікам галіны добраўпарадкоўваць лясны фонд: прыбіралі смецце і захламленасць, акультурвалі месцы масавага адпачынку, рыхтавалі дэндрапаркі да зімоўкі, займаліся пасадкай дрэў.

Супрацоўнікі апарату Міністэрства лясной гаспадаркі ў гэты дзень вырашылі навесці парадак на тэрыторыі Бараўлянскага спецлясгаса паблізу Рэспубліканскага цэнтра алімпійскай падрыхтоўкі па зімніх відах спорту «Раўбічы». У лютым 2019 года гэты цэнтр прымае чэмпіянат Еўропы па біятлоне.

Валанцёры ачысцілі ад сухастойнай драўніны і буралому ўчастак лесу плошчай 1,8 га — неліквідную драўніну спалілі на вогнішчах, а прыдатную на дровы сабралі і з дапамогай спецыялізаванай тэхнікі вывезлі з лесу. Па словах дырэктара Бараўлянскага спецлясгаса Аляксандра Мірановіча, драўніна, сабраная падчас акцыі, была накіравана на кацельныя ДП «Мінрайцепласетка», а таксама рэалізавана насельніцтву.

— Асноўная мэта акцыі — прыцягнуць увагу да беражлівага стаўлення да нашага зялёнага храма — лесу, — расказаў першы намеснік міністра лясной гаспадаркі Аляксандр Кулік. — Упершыню акцыя была праведзена ў 2010 годзе, і з таго часу яна стала штогадовай. Мы ўдзячныя людзям за актыўны ўдзел: акцыя падтрымліваецца грамадскасцю, дзяржаўнымі арганізацыямі па ўсёй краіне. Любы ахвотны можа зрабіць свой унёсак у добрую справу.

У кожным лясніцтве былі падабраны аб'екты для працы валанцёраў. Сёлета асаблівы акцэнт зроблены на добраўпарадкаванні ляснога фонду паблізу ад мемарыяльных комплексаў і знакавых для нашай краіны месцаў.

Актыўны ўдзел у акцыі прынялі і калектывы апаратаў органаў дзяржкіравання, кантрольных ведамстваў. Так, кіраўнік Адміністрацыі Прэзідэнта Наталля Качанава працавала на тэрыторыі сталіцы: разам з іншымі валанцёрамі яна высаджвала дрэвы і кусты ўздоўж праспекта Пераможцаў побач з біялагічным заказнікам «Лебядзіны». Камітэт дзяржкантролю на чале са старшынёй Леанідам Анфімавым добраўпарадкоўваў лясны масіў, што прылягае да мемарыяльнага комплексу «Хатынь». Калектыў Дзяржаўнай інспекцыі аховы жывёльнага і расліннага свету пры Прэзідэнце Рэспублікі Беларусь пад кіраўніцтвам Юрыя Церцеля займаўся прыборкай лесу ў раёне мемарыяльнага комплексу «Трасцянец».

Сёлета ў добраахвотнай акцыі прынялі ўдзел больш за 38 тысяч валанцёраў. Найбольш актыўна акцыю падтрымалі ў Мінскай вобласці (7826 добраахвотнікаў). Валанцёры працавалі на 2137 аб'ектах па ўсёй краіне, а найбольшая колькасць пунктаў — 494 — была арганізавана ў Гомельскай вобласці.

Сумеснымі намаганнямі работнікаў лесагаспадарчых устаноў і добраахвотнікаў прыбрана больш за 2,5 тысячы м3 смецця і больш за 5 тысяч м3 захламленасці; дадаткова высаджаны лясныя культуры на плошчы 984,6 га; наведзены парадак уздоўж прыдарожных палос, добраўпарадкаваны месцы паблізу мемарыяльных комплексаў, памятных знакаў і іншых аб'ектаў. У Жлобінскім раёне Гомельскай вобласці быў устаноўлены помнік супрацоўніку МНС, які загінуў пры тушэнні ляснога пажару паблізу вёскі Лесань.

Вераніка КОЛАСАВА

Фота БЕЛТА

Загаловак у газеце: Парадак на зямлі

Выбар рэдакцыі

Культура

У нядзелю яўрэі святкуюць Новы год дрэў

У нядзелю яўрэі святкуюць Новы год дрэў

На гэта свята асаблівым чынам спажываюць розную садавіну, запіваючы келіхамі добра разбаўленага віна.

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».