Вы тут

«Слаўная кампанія: рэANIMAцыя»: пяць дзён да завяршэння збору твораў


«Слаўная кампанія: рэANIMAцыя»: пяць дзён да завяршэння збору твораў

Застаецца роўна пяць дзён да завяршэння збору твораў конкурса «Слаўная кампанія: рэANIMAцыя», арганізаванага рэдакцыяй часопіса «Маладосць» сумесна з кафедрай гісторыі беларускай літаратуры БДУ пры інфармацыйнай падтрымцы Нацыянальнага інстытута адукацыі.

Больш за чатыры дзясяткі ўдзельнікаў ва ўзросце ад школьнага да пенсійнага, літаратары-прафесіяналы і даследчыкі-аматары. Дзякуючы ім у літаратурнай прасторы краіны з’явяцца новыя біяграфічныя творы, прысвечаныя чатырнаццаці беларускім пісьменнікам ХІХ стагоддзя.

“Віншуем Вас з завяршэннем важнага і яркага перыяду ў Вашай даследчыцкай і творчай дзейнасці і дзякуем за ўдзел у праекце, які мае важныя і яркія мэты”. Ліст, які пачынаецца гэтымі словамі, атрымала першая дзясятка канкурсантаў — тыя, хто ўжо паставіў апошнюю кропку, перачытаў, тое-сёе падправіў, зноў перачытаў, перарабіў канцоўку або пачатак, паздымаў недзе клічнікі, а недзе дадаў шматкроп’яў — іншымі словамі, зрабіў усё ад яго залежнае, каб з чыстым сумленнем чакаць рашэння журы. А члены журы ўжо чакаюць першы дзень лістапада і зашыфраваныя файлы, хвалюючыся не менш, чым самі канкурсанты, “хварэючы” за іх удачу.

Нагадваем: конкурс «Слаўная кампанія: рэANIMAцыя» прымеркаваны да Году малой радзімы і прысвечаны 65-годдзю часопіса «Маладосць». Пераможцамі будуць лічыцца аўтары чатырох найлепшых тэкстаў, адабраных журы. Кожны пераможца атрымае Дыплом і матэрыяльнае ўзнагароджанне ад Выдавецкага дома «Звязда» і іншых фундатараў. Лепшыя конкурсныя творы будуць апублікаваны.

Выбар рэдакцыі

Культура

У нядзелю яўрэі святкуюць Новы год дрэў

У нядзелю яўрэі святкуюць Новы год дрэў

На гэта свята асаблівым чынам спажываюць розную садавіну, запіваючы келіхамі добра разбаўленага віна.

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».