Пасажырскі самалёт Boeing 737 авіякампаніі Lion Air пацярпеў крушэнне праз некалькі хвілін пасля вылету з Джакарты, паведамляе BBC News са спасылкай на чыноўнікаў Інданезіі.
У міністэрстве транспарту Інданезіі паведамілі, што на борце знаходзіліся 188 чалавек, у тым ліку члены экіпажа. Па іншай інфармацыі, у самалёце ляцелі 189 чалавек: 181 пасажыр, двое пілотаў і шасцёра бортправаднікоў.
Рэйс JT610 вылецеў з Джакарты ў горад Панкалпінанг у 06:20 раніцы па мясцовым часе (у 02:20 па Мінску). Сувязь з лайнерам страцілі праз 13 хвілін пасля ўзлёту, кажуць чыноўнікі. Відавочцы паведамілі, што бачылі, як самалёт упаў у мора ў 11 кіламетрах ад заходняга ўзбярэжжа вострава Ява.
У Яванскім моры выявілі абломкі самалёта, у тым ліку пасажырскія сядзенні, паведамляе Reuters. Апублікаваныя фатаграфіі з меркаванымі абломкамі і асабістымі рэчамі пасажыраў.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.