Вы тут

Спадарожнік «BSUSat-1» Белдзяржуніверсітэта паспяхова выведзены на арбіту


Знакавая падзея ў гісторыі вядучай ВНУ адбылася 29 кастрычніка 2018 года ў 03.43 (па мінскім часе). Нанаспадарожнік БДУ стаў першым універсітэцкім спадарожнікам у сістэме беларускай адукацыі і трэцім аб'ектам айчыннага паходжання на калязямной арбіце.


“BSUSat-1” быў запушчаны ў Кітаі з касмадрома “Цзюцюань” (JSLC) і паспяхова выведзены на арбіту вышынёй больш за 500 кіламетраў над паверхняй Зямлі! У дадзены  момант з апаратам устаноўлена і падтрымліваецца ўстойлівая сувязь, яго бартавыя сістэмы паўнавартасна функцыянуюць.

Параметры апарата складаюць 20x10x10 см3, маса -- крыху больш за 1,6 кг. Пры нязначных габарытах ён валодае ўсімі характарыстыкамі вялікіх універсальных спадарожнікаў: ён абсталяваны сістэмамі энергазабеспячэння, кіравання, арыентацыі і стабілізацыі, тэлекамунікацый, комплексам тэхналагічнай і навукова карыснай нагрузкі. На спадарожніку ўстаноўлены лічбавая камера, радыяцыйны спектрометр, інфрачырвоны дэтэктар і іншае спецыяльнае абсталяванне.

Праграмнае забеспячэнне для працы спадарожніка распрацавана вучонымі БДУ. Палётная праграма стваралася індывідуальна пад тэхнічныя характарыстыкі ракеты-носьбіта, службовай платформы спадарожніка і мэтавай апаратуры.

Універсітэцкі спадарожнік дазволіць выканаць шырокі спектр задач. У навуковых мэтах будзе праводзіцца даследаванне радыяцыйных палёў калязямной прасторы, радыяцыйнай трываласці электронных элементаў, дыстанцыйнае зандзіраванне Зямлі.

Адукацыйны складнік дазволіць выкарыстоўваць нанаспадарожнік як вучэбна-навуковую лабараторыю. Разам з наземным комплексам кіравання, прыёму і апрацоўкі дадзеных студэнты ў рэальных умовах змогуць асвойваць касмічныя тэхналогіі і праводзіць навуковыя даследаванні. Акрамя таго яны ўжо атрымалі ўнікальны вопыт поўнага цыклу распрацоўкі, стварэння і выкарыстання ўласных касмічных апаратаў, прымаючы актыўны ўдзел у яго распрацоўцы.

Першыя пазыўныя спадарожніка БДУ выкладчыкі і студэнты пачуюць 30 кастрычніка -- у Дзень нараджэння ВНУ. Над тэрыторыяй Беларусі апарат будзе пралятаць шэсць разоў у суткі, знаходзячыся ў зоне радыёбачнасці 10-11 хвілін. Перадача інфармацыі пройдзе ў радыяаматарскім дыяпазоне. Таму, валодаючы мінімальнымі сродкамі прыёму, атрымаць дадзеныя са спадарожніка могуць усе арганізацыі і прыватныя асобы. Атрыманая спецыялістамі розных краін інфармацыя будзе акумулявацца на спецыяльна створаным інтэрнэт-партале. Ім  зможа карыстацца ўся сусветная навуковая супольнасць, якая займаецца распрацоўкай службовай платформы, мэтавай нагрузкай звышмалых касмічных апаратаў, фундаментальнай космафізікай, астрафізікай, вывучэннем радыяцыйных паясоў Зямлі, верхніх слаёў атмасферы і г.д.

Запуск уласнага нанаспадарожніка стаў вынікам дзесяцігадовай працы калектыву супрацоўнікаў і студэнтаў Цэнтра аэракасмічнай адукацыі, факультэта радыёфізікі і камп'ютарных тэхналогій і фізічнага факультэта БДУ.

Надзея НІКАЛАЕВА

Выбар рэдакцыі

Культура

У нядзелю яўрэі святкуюць Новы год дрэў

У нядзелю яўрэі святкуюць Новы год дрэў

На гэта свята асаблівым чынам спажываюць розную садавіну, запіваючы келіхамі добра разбаўленага віна.

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».