Вы тут

Штотыднёвы спартыўны агляд «Звязды»


У штотыднёвым спартыўным аглядзе «Звязды» расказваем аб чарговым туры чэмпіянату краіны па футболе і іншых самых прыкметных спартыўных падзеях выхадных.


1. Беларускія тэнісісты прайгралі славакам з лікам 1:3 у матчы 2-га раўнда плэй-оф 1-й групы Еўра-Афрыканскай зоны Кубка Дэвіса.

У першы дзень спаборніцтваў на корце NTC Arena Ягор Герасімаў перамог Норберта Гамбаша — 3:6, 6:4, 6:4, а Марцін Кліжан перайграў Аляксандра Згіроўскага — 6:1, 6:4. У другі гульнявы дзень Максім Мірны і Андрэй Васілеўскі ў парнай сустрэчы прайгралі славацкаму дуэту Філіп Палашэк / Марцін Кліжан — 7:6, 4:6, 3:6. А затым Марцін Кліжан перайграў Ягора Герасімава ў двух сэтах — 6:4, 6:3.

Зборная Славакіі захавала прапіску ў 1-й групе, а беларусам у наступным сезоне прыйдзецца гуляць у 2-й групе Еўра-Афрыканскай зоны Кубка Дэвіса.


2. Арына Сабаленка займае 12-е месца ў абноўленым рэйтынгу Жаночай тэніснай асацыяцыі. Аляксандра Сасновіч знаходзіцца на 30-м радку, Вікторыя Азаранка займае 52-е месца, у Веры Лапко 65-я пазіцыя.

Арына Сабаленка на бягучым тыдні выступіць на турніры WTA Elіte Trophy з прызавым фондам $2,3 млн у кітайскім Чжухаі. На групавым этапе малога выніковага турніру WTA згодна з жараб'ёўкай беларуска згуляе з францужанкай Каралін Гарсіяй (18 WTA) і Эшлі Барці (19 WTA) з Аўстраліі. У парным разрадзе выступіць і беларуска Лідзія Марозава, якая разам з Шука Ааяма з Японіі сустрэнецца на першым этапе з Міхаэлай Бузарнеску (Румынія) / Алісіяй Расольскай (Польшча), Фан Йін Ксун / Тан Цян (Кітай). Турнір у Чжухаі пройдзе з 30 кастрычніка да 4 лістапада.


3. Гандбалісты зборнай Беларусі атрымалі першую перамогу ў адборачным турніры чэмпіянату Еўропы 2020 года. Пасля пройгрышу дома баснійцам у гасцявым матчы другога тура беларусы абыгралі фінаў — 27:20.

Свой наступны паядынак кваліфікацыі беларускія гандбалісты правядуць у красавіку 2019 года ў гасцях у каманды Чэхіі, якая ў першым туры абыграла фінаў, а потым перамагла зборную Босніі і Герцагавіны.


4. Завяршыліся матчы 26-га тура чэмпіянату краіны па футболе. БАТЭ атрымаў перамогу на выездзе ў «Гомеля» з лікам 1:0. «Віцебск» быў мацнейшы за мінскае «Тарпеда» — 1:0. У дынамаўскім дэрбі мінчане і брастаўчане разышліся мірам — 1:1. Жодзінскае «Тарпеда-БелАЗ» на сваім полі абыграла салігорскі «Шахцёр» 1:0. Вынікі астатніх сустрэч 26-га тура: «Іслач» (Мінскі раён) — «Мінск» — 0:3, «Дняпро» (Магілёў) — «Слуцк» — 2:0, «Гарадзея» — «Смалявічы» — 4:1 , «Нёман» (Гродна) — «Прамень» (Мінск) — 0:0.

Становішча ў групе лідараў: БАТЭ — 63 ачкі, «Віцебск» — 53, «Шахцёр» — 51, «Дынама» (Мінск) — 50, «Тарпеда-БелАЗ» — 46, «Дынама» (Брэст) — 45. У самым канцы турнірнай табліцы «Дняпро», у якога 16 ачкоў, на 2 балы менш у каманды «Прамень».

Бамбардзірскі спіс узначаліў гулец брэсцкага «Дынама» Павел Савіцкі, які забіў 12 мячоў.

Адзначым, што фаварыты чэмпіянату 31 кастрычніка правядуць перанесеныя матчы розных тураў: «Дынама» (Брэст) — БАТЭ, «Шахцёр» — «Віцебск», «Тарпеда-БелАЗ» — «Дынама» (Мінск).

Дар'я Лабажэвіч

Загаловак у газеце: Развязка ўсё бліжэй

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.