Падчас асенніх школьных канікул удзельнікамі праекта стануць больш як 120 старшакласнікаў з усіх рэгіёнаў Беларусі. Акцыя ахопіць 15 факультетаў: біялагічны, геаграфічны, гістарычны, механіка-матэматычны, філалагічны, фізічны, хімічны, эканамічны, журналістыкі, міжнародных адносін, прыкладной матэматыкі і інфарматыкі, сацыякультурных камунікацый, філасофіі і сацыяльных навук, а таксама Інстытут бізнесу і Міжнародны дзяржаўны экалагічны інстытут імя А.Д. Сахарава.
На працягу пяці дзён абітурыенты будуць наведваць навучальныя заняткі на розных курсах і спецыяльнасцях, слухаць лекцыі і выконваць практычныя заданні разам са студэнтамі БДУ. Таксама для ўдзельнікаў падрыхтавана інтэлектуальная гульня, накіраваная на знаёмства са студэнцкім і вучэбным жыццём у БДУ.
Штодня ў групе праекта “УКантакце” будуць публікавацца справаздачы, у якіх старшакласнікі падзеляцца ўражаннямі ад універсітэцкага навучальнага дня.
Праект "Студэнт БДУ на тыдзень” праводзіцца з кастрычніка 2016 года. Стартавай пляцоўкай для яго стаў факультэт журналістыкі. За перыяд рэалізацыі ініцыятывы ў ім узялі ўдзел каля 250 школьнікаў, чвэрць з якіх ужо сталі студэнтамі БДУ.
Арганізатарамі праекта выступаюць Студэнцкі саюз і ўпраўленне выхаваўчай працы з моладдзю БДУ.
Надзея НІКАЛАЕВА
З усіх куточкаў Беларусі.
Яе песні займаюць першыя радкі ў музычных чартах краіны, пастаянна гучаць на радыё і тэлебачанні.
