Кіраўніцтва і службовыя асобы Адміністрацыі Прэзідэнта Беларусі правядуць у лістападзе выязныя прыёмы грамадзян і юрыдычных асоб у рэгіёнах, паведамляе БЕЛТА.
Такая форма кантактаў з грамадзянамі, працоўнымі калектывамі - адна з самых зручных і запатрабаваных форм сярод насельніцтва. Яна дазваляе не толькі пазнаваць і вырашаць важныя для людзей пытанні, але і маніторыць сітуацыю на месцах, ацэньваць працу мясцовай вертыкалі ўлады, падкрэслілі ў Адміністрацыі. У першай дэкадзе лістапада прыёмы пройдуць у Брэсцкай, Віцебскай, Гродзенскай, Мінскай і Магілёўскай абласцях.
- Так, намеснік кіраўніка Адміністрацыі Прэзідэнта Мікалай СНАПКОЎ 9 лістапада сустрэнецца з жыхарамі рэгіёну ў Быхаўскім райвыканкаме.
- Першы намеснік начальніка галоўнага ўпраўлення па рабоце са зваротамі грамадзян і юрыдычных асоб - начальнік упраўлення пісьмовых і электронных зваротаў Крысціна ПОБАЛЬ правядзе прыём у Карэліцкім райвыканкаме 1 лістапада.
- Начальнік галоўнага ўпраўлення па рабоце са зваротамі грамадзян і юрыдычных асоб Рыгор ШЛЫК прыме грамадзян у Клецкім райвыканкаме 2 лістапада.
- На 5 лістапада ў Столінскім райвыканкаме запланаваны прыём намеснікам начальніка галоўнага ўпраўлення па рабоце са зваротамі грамадзян і юрыдычных асоб - загадчыкам асабістым прыёмам Ігарам ЛАМАНОСАВЫМ.
- У Талачынскім райвыканкаме 6 лістапада адбудзецца прыём грамадзян намеснікам начальніка галоўнага ідэалагічнага ўпраўлення - начальнікам упраўлення ідэалогіі і інфармацыйнай палітыкі Наталляй МАРЧАНКА.
- Намеснік начальніка галоўнага ідэалагічнага ўпраўлення - начальнік упраўлення сацыяльнай палітыкі Наталля КРАСАЧКА 8 лістапада правядзе прыём у Баранавіцкім гарвыканкаме.
- Выязны прыём у Касцюковіцкім райвыканкаме правядзе 9 лістапада намеснік начальніка ўпраўлення пісьмовых і электронных зваротаў галоўнага ўпраўлення па рабоце са зваротамі грамадзян і юрыдычных асоб Аляксей БАБІЦКІ.
Запісацца на прыём можна па тэлефонах аддзелаў па працы са зваротамі грамадзян адпаведных выканаўчых камітэтаў.
Усе мерапрыемствы адбудуцца з 10.00 да 13.00. Праблемы будуць разглядацца і вырашацца як на месцы, так і, у выпадку неабходнасці, пасля прыёму з прыцягненнем рэспубліканскіх органаў кіравання.
Пасля 10 лістапада 2018 года выязныя прыёмы працягнуцца.
