Паводле звестак спецыялістаў, адзіны палігон для камунальных адходаў сталіцы «Трасцянецкі» напаўняецца ў пяць разоў хутчэй, чым было запраектавана. Гэта значыць, што ўжо праз некалькі гадоў, калі не зрабіць канкрэтных захадаў, Мінск можа сутыкнуцца з сур'ёзнымі наступствамі.
— Перапрацоўка не выратоўвае нас ад праблемы, — гаворыць Наталля Блышчык. — Гэта дзейнасць — усяго толькі трэцяя ступень у пірамідзе эфектыўнасці абыходжання з адходамі пасля прадухілення ўтварэння і паўторнага выкарыстання. Таму трэба звяртаць больш увагі на скарачэнне тавараў, якія не перапрацоўваюцца або з'яўляюцца аднаразовымі, што адпаведна прывядзе да скарачэння і колькасці адходаў.
Але пакуль у гэтай галіне ў Беларусі няма заканадаўчых актаў, якія б рэгулявалі вытворчасць пластыкаў. Таму, напрыклад, вытворцы тавараў з полістыролу (які амаль не перапрацоўваецца) і поліэтыленцэрэфталату (добра перапрацоўваецца) знаходзяцца ў аднолькавых умовах.
— Нам неабходна зменшыць колькасць утварэння адходаў, скараціць вытворчасць тавараў, якія немагчыма перапрацаваць, а бізнесу глядзець у бок прапановы людзям безадходных альтэрнатыў, — упэўнена суразмоўніца.
З гэтым згодныя і ў Мінпрыроды. Прыродаахоўнае ведамства некаторы час таму выступала з прапановай эканамічнага стымулявання вытворцаў і пастаўшчыкоў тавараў з матэрыялаў, якія могуць паўторна перапрацоўвацца. Па словах Вольгі Сазонавай, Мінпрыроды будзе і далей працаваць над тым, каб у краіне ўкараняліся малаадходныя тэхналогіі, у тым ліку стымулявалася выкарыстанне шматзваротнай упакоўкі.
Вераніка КОЛАСАВА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.