Вы тут

Сёння адкрыецца 25-ы Мінскі міжнародны кінафестываль «Лістапад»


Сёння ў кінатэатры «Масква» адкрыецца 25-ы Мінскі міжнародны кінафестываль «Лістапад», што пройдзе пад слоганам «Пазнаючы белы свет» з прысвячэннем рэжысёру Кіры Муратавай. Госці пройдуць па чырвонай дывановай дарожцы, звернуцца да чвэрці стагоддзя гісторыі кінафоруму і паглядзяць фільм адкрыцця «Халодная вайна» Паўла Паўлікоўскі. Па традыцыі падчас цырымоніі будзе ўручаны прыз Прэзідэнта Рэспублікі Беларусь «За захаванне і развіццё традыцый духоўнасці ў кінамастацтве», а ў якасці сімвалічнага старту «Лістапада» на сцэне аб штатыў кінакамеры будзе разбіта талерка. Ганаровымі гасцямі цырымоніі і кінафестывалю стануць актрыса тэатра і кіно Святлана Немаляева і акцёр і рэжысёр з Узбекістана Рустам Сагдулаеў. Ужо заўтра на асноўных пляцоўках пачнуцца паказы конкурсных фільмаў.


З нагоды адкрыцця юбілейнага «Лістапада» Прэзідэнт краіны Аляксандр Лукашэнка накіраваў сваё віншаванне гасцям і ўдзельнікам кінафоруму.

«Ужо чвэрць стагоддзя наш кінафорум прадстаўляе аўдыторыі цікавыя, якасныя і глыбокія фільмы, выконваючы высокую асветніцкую місію і захоўваючы прыхільнасць сваім прынцыпам і традыцыям. Склад удзельнікаў фэсту, што расце з году ў год, — нагляднае пацвярджэнне яго аўтарытэту сярод прафесіяналаў і аматараў кінамастацтва.

На фестывалі заўсёды пануе атмасфера творчай свабоды, няспыннага духоўнага пошуку і сумленнага спаборніцтва.

Перакананы, што сёлетні «Лістапад» парадуе нас шырокай панарамай сучаснага кінематографа, падорыць гучныя прэм'еры і яркія сустрэчы з выдатнымі майстрамі і ўзыходзячымі зоркамі сусветнага экрана, стане сапраўдным святам для тых, хто стварае, глядзіць і любіць кіно», — гаворыцца ў віншаванні.

Загаловак у газеце: 25-ы старт «Лістапада»

Выбар рэдакцыі

Грамадства

Сувораўскае вучылішча вачыма яго навучэнцаў

Сувораўскае вучылішча вачыма яго навучэнцаў

Быць сувораўцам ва ўсе часы было прэстыжна. 

Культура

Харвацкі кінафестываль ZаgrеbDох даследуе рэгіён вялікім экранам

Харвацкі кінафестываль ZаgrеbDох даследуе рэгіён вялікім экранам

Балканскія краіны паўсталі перад гледачом з іх надзённым.

Эканоміка

Новыя жыллёвыя ўмовы. Абараніць уласнікаў, спажыўцоў і пастаўшчыкоў паслуг

Новыя жыллёвыя ўмовы. Абараніць уласнікаў, спажыўцоў і пастаўшчыкоў паслуг

Пра новаўвядзенні, якія дэпутаты мусяць разгледзець на вясновай сесіі.