Вы тут

Мінск збірае гарнякоў


14—16 лістапада гэтага года ў Мінску пры падтрымцы Міністэрства прыродных рэсурсаў і аховы навакольнага асяроддзя Рэспублікі Беларусь адбудзецца ІІІ Еўразійскі горна-геалагічны форум.


З моманту правядзення першага мерапрыемства ў 2016 годзе форум застаецца адзінай буйной міжнароднай пляцоўкай для абмеркавання пытанняў дзяржаўнага рэгулявання нетракарыстання Еўразіі з удзелам прадстаўнікоў бізнесу, кіраўнікоў профільных міністэрстваў і ведамстваў, міжнародных інстытутаў і інтэграцыйных утварэнняў.

Паводле слоў намесніка міністра прыродных рэсурсаў і аховы навакольнага асяроддзя Рэспублікі Беларусь Андрэя Хмеля, сёлета на пляцоўцы форуму, які будзе праходзіць у будынку Нацыянальнай бібліятэкі, плануецца абмеркаванне перспектыў лічбавізацыі горнай галіны, развіцця адзінай Еўразійскай інфармацыйнай прасторы, супрацоўніцтва інтэграцыйных аб'яднанняў у сферы нетракарыстання, развіццё крэдытна-фінансавай інфраструктуры сыравінных рынкаў Еўразіі і іншых пытанняў.

Удзельнікамі форуму стануць больш за 500 чалавек з 20 краін СНД, Еўропы і Азіі, уключаючы Беларусь, Расію, Казахстан, Узбекістан, Кыргызстан, Германію, Польшчу, Сербію, Фінляндыю, Індыю, Кітай, Інданезію, Іран, В'етнам і іншыя.

Андрэй Хмель таксама адзначыў, што ў рамках правядзення форуму будуць удзельнічаць «Слаўкалій», «Шахтпраект», «Беларуськалій» і многія іншыя вялікія кампаніі, якія ў сваіх краінах з'яўляюцца безумоўнымі лідарамі ў геолагаразведцы, будуць прадстаўнікі буйных замежных горназдабыўных прадпрыемстваў. Беларусь прадставіць канцэсійныя ўчасткі і арганізацыі, якія могуць аказваць паслугі па распрацоўцы радовішчаў, даследаванні, здабычы карысных выкапняў:

— Мы разглядаем гэтую пляцоўку не толькі як форумную, але і камерцыйную, для нас важна ў тым ліку і заключэнне дагавораў, — падкрэсліў Андрэй Хмель.

Вольга ПРАЛЮК

Выбар рэдакцыі

Грамадства

Першая зімоўка на Паўднёвым полюсе можа адбыцца ў 2020 годзе

Першая зімоўка на Паўднёвым полюсе можа адбыцца ў 2020 годзе

«Знаходжанне беларускіх палярнікаў у Антарктыдзе — гэта не вандроўка натуралістаў і не туры для экстрэмалаў, а сур'ёзная і карпатлівая штод

Спорт

Апублікаваны даведнік «Мінск» — карысны для турыстаў і падарожнікаў

Апублікаваны даведнік «Мінск» — карысны для турыстаў і падарожнікаў

Ён быў падрыхтаваны адмыслова напярэдадні II Еўрапейскіх гульняў.

Грамадства

У Полацку ўпершыню знойдзена пахаванне князя

У Полацку ўпершыню знойдзена пахаванне князя

Сярод знаходак — нямала сенсацый.

Грамадства

З баршчэўнікам змагаюцца нават з дапамогай квадракоптара

З баршчэўнікам змагаюцца нават з дапамогай квадракоптара

Вопыт Віцебшчыны ў знішчэнні баршчэўніку цікавы таму, што тут больш за 80 працэнтаў зараснікаў ад агульнага па краіне.