Вы тут

Кітайская рэдакцыя «Мастацкай літаратуры»


У мінскім выдавецтве «Мастацкая літаратура» праведзена падрыхтоўчая праца да стварэння рэдакцыі кітайскай літаратуры.


Расказвае дырэктар выдавецтва паэт і празаік Алесь БАДАК:

Гэта новая для нас справа. І рэалізоўваем мы яе разам з кітайскім бокам. Асновай, грунтам для такога нечаканага для Беларусі праекта з’яўляюцца тыя напрацоўкі, якія ўжо былі здзейснены раней. І не толькі, дарэчы, нашым выдавецтвам. Багаты вопыт супрацоўніцтва з КНР у частцы кнігавыдання, публікацыі перакладаў кітайскай літаратуры і ў Выдавецкага дома «Звязда». Цяпер мы выдаём серыю кніг «Светлыя знакі: Паэты Кітая». Нядаўна перадалі ў друкарню зборнік вершаў Ван Цзянчжао. Наперадзе – рэалізацыя новых ідэй. Яны звязаны з перакладамі культуралагічнай, асветніцкай літаратуры. Носьбіту кітайскай мовы, спецыялісту з Кітая, які ведае і рускую і беларускую мовы, канешне ж, шмат прасцей будзе працаваць у гэтым накірунку. У бліжэйшы час нам будзе што распавесці ў гэтым плане.

Вопыт «Мастацкай літаратуры» па супрацоўніцтву з КНР у галіне кнігавыдання носіць адметны характар. Сведчаннем на тое з’яўляецца і падрыхтоўка і выданне анталогіі кітайскай паэзіі XX стагоддзя ў перакладзе на беларускую мову «Пялёсткі лотаса і хрызантэмы». Перакладчык – лаўрэат Дзяржаўнай прэміі Рэспублікі Беларусь Мікола Мятліцкі.

Алесь КАРЛЮКЕВІЧ

Выбар рэдакцыі

Грамадства

Як адбываюць пакаранне асуджаныя да абмежавання волі «ў хатніх умовах»

Як адбываюць пакаранне асуджаныя да абмежавання волі «ў хатніх умовах»

«Хатняя хімія» — гэта турма, толькі на свабодзе», — з сарказмам кажуць самі асуджаныя пра абмежаванне волі без накіравання ў папраўчую ўстанову.

Здароўе

​Як абараніць сябе ад кардыялагічных праблем у халодны перыяд?

​Як абараніць сябе ад кардыялагічных праблем у халодны перыяд?

Менавіта зімой павялічваецца колькасць інфарктаў і павышаецца артэрыяльны ціск.

Культура

Успаміны пра Яўгенію Янішчыц

Успаміны пра Яўгенію Янішчыц

Піша Зіновій Прыгодзіч.

Грамадства

У 2023 годзе з'явяцца квоты на рабочыя месцы для людзей з інваліднасцю

У 2023 годзе з'явяцца квоты на рабочыя месцы для людзей з інваліднасцю

У Беларусі на сённяшні дзень звыш 570 тысяч чалавек маюць інваліднасць.