Вы тут

Каманда Прэзідэнта ў хакейным матчы перамагла каманду Магілёўшчыны


Другі паядынак XII Рэспубліканскіх спаборніцтваў па хакеі з шайбай сярод аматараў на прызы Прэзідэнцкага спартыўнага клуба каманда кіраўніка дзяржавы правяла ў Шклове. Выніковы лік паядынку – 8:14 (0:4, 3:4, 5:10).


У пачатку першага перыяду падчас адной з атак шайба трапіла ў шлем варатара каманды Магілёўскай вобласці, аднак ён не пацярпеў. Спачатку гульня была даволі роўнай, пры нулявым ліку шайба трапіла ў каркас варот магілёўскай дружыны. Лік у матчы быў адкрыты на дзевятай хвіліне, вызначыўся малодшы сын Прэзідэнта – Мікалай Лукашэнка, з перадачы Паўла Белага. Лік стаў 0:2 на адзінаццатай хвіліне – камбінацыю Даніэля Корса і Алега Антоненкі завяршыў Яраслаў Чупрыс. На 17-й хвіліне перавага стала буйной – трэцюю шайбу аформіў Андрэй Асташэвіч. За некалькі хвілін да завяршэння першага перыяду чацвёртую шайбу закінуў Андрэй Міхалёў з перадачы Яраслава Чупрыса.

Літаральна на першай хвіліне другога перыяду Яраслаў Чупрыс зрабіў лік 0:5, завяршыўшы камбінацыю Дзмітрыя Мялешкі і Андрэя Міхалёва. Шостую шайбу ў вароты магілёўскай дружыны закінуў Даніэль Корса, скарыстаўшыся блытанінай абаронцаў.

Першую шайбу ў вароты каманды Прэзідэнта толькі на 25 хвіліне забіў Сяргей Ясюкевіч, хаця магілёўцы маглі адкрыць лік і раней, але перашкодзіла перакладзіна. Каманда Магілёўскай вобласці перахапіла ініцыятыву і на 27 хвіліне закінула другую шайбу, вызначыўся Сяргей Маторын. Атака за атакай прынесла магілёўцам трэцюю шайбу – яе закінуў Ігар Жукаў на 29 хвіліне. Аднак паступова сілы выраўняліся, а каманда Прэзідэнта паразіла вароты суперніка ў сёмы раз – на 37 хвіліне гэта зрабіў Андрэй Асташэвіч з перадачы Аляксандра Радзінскага. Былі шанцы ў магілёўцаў, але ратаваў варатар каманды Прэзідэнта. На апошняй хвіліне другога перыяду восьмую шайбу закінуў Дзмітрый Мялешка, перадача – Андрэй Міхалёў.

У трэцім перыядзе магілёўская дружына скараціла адставанне – лік 4:8 зрабіў Сяргей Маторын, галявая перадача – Аляксандр Новікаў. Аднак гэта не быў пералом ходу гульні: дзявятую шайбу ў вароты каманды Магілёўскай вобласці на 45 хвіліне закінуў Павел Белы з перадачы Андрэя Міхалёва. Услед за ёй ўляцела і дзясятая шайба – вызначыўся Мікалай Лукашэнка, перадача – Андрэй Башко. Адзінаццатую шайбу ў вароты гаспадароў на 48 хвіліне закінуў Алег Антоненка.

Пры гэтым магілёўцы не здаваліся – на 49 хвіліне забіў Дзмітрый Каляда. Але праз 20 секунд Прэзідэнт Беларусі зрабіў лік 5:12.

На 49 хвіліне Сяргей Каляда зноў скараціў адставанне – 6:12, але каманда Прэзідэнта адказала 13-ай шайбай – яе закінуў Мікалай Лукашэнка, а Андрэй Глебаў закінуў 14-ую шайбу.

Да апошняга не здавалася каманда Магілёўскай вобласці – на 59 хвіліне Сяргей Маторын зрабіў лік 7:14. Следам здарыўся і выніковы лік 8:14 – шайбу закінуў Уладзімір Зубараў.

Лепшы гулец матча ў складзе каманды Магілёўскай вобласці – Сяргей Маторын, лепшы ў складзе каманды Прэзідэнта – Мікалай Лукашэнка.

Даведка

Беларускі лідар адкрыў Лядовую арэну ў Шклове 12 лістапада 2016 года. Тады ён адзначыў, што пры будоўлі аб'екта паўсталі складанасці, таму дапамогу прасілі ў прадпрымальнікаў ад Мінска да Масквы.

Плошча лёду тут стандартная, 58,13 на 28,13 метра. Пляцоўка не прызначана для міжнародных спаборніцтваў – толькі для трэніровак, а таксама масавых катанняў. Акрамя таго, у Лядовай арэне прадугледжана 315 месцаў для гледачоў.

Акрамя лядовай пляцоўкі, комплекс уключае ў сябе трэнажорны і харэаграфічны залы, зал сілавой падрыхтоўкі, сауну з міні-басейнам, кафэ, а на прылеглай тэрыторыі есць лыжаролерная траса.

Нагадаем схему турніру: на першым этапе кожная каманда гуляе адзін круг, па выніках вызначаюцца паўфіналісты. У красавіку 2019 году адбудуцца паядынкі за ўзнагароды. Каманда Прэзідэнта Беларусі трымае рэкорд па перамогам на гэтым турніры – яна станавіліся чэмпіёнам дзевяць разоў, па адным разе чэмпіёнамі былі хакеісты з Мінскай і Гомельскай абласцей.

Арганізатары турніру – Прэзідэнцкі спартыўны клуб, Міністэрства спорту і турызму, Федэрацыя хакея Беларусі і Мінскі гарадскі выканаўчы камітэт.

Уладзіслаў ЛУКАШЭВІЧ

г. Шклоў

Фота БЕЛТА

Выбар рэдакцыі

Спорт

Аляксандра Герасіменя: У кожнага свой рэцэпт поспеху

Аляксандра Герасіменя: У кожнага свой рэцэпт поспеху

Аляксандра Герасіменя — сапраўдны баец, а яшчэ — клапатлівая маці і жонка. І проста працавіты чалавек, які не ведае перашкод.

Грамадства

Якія сацыяльныя ініцыятывы беларусаў атрымалі прызнанне на Sосіаl Wееkеnd

Якія сацыяльныя ініцыятывы беларусаў атрымалі прызнанне на Sосіаl Wееkеnd

Прыз сімпатый гледачоў заваявала ініцыятыва «Школа бацькоўства».

Грамадства

Гісторыя дзяўчыны, якая перамагла анарэксію

Гісторыя дзяўчыны, якая перамагла анарэксію

Здараецца, што ў пагоні за прыгожай фігурай некаторыя дзяўчаты зусім перастаюць есці.

Грамадства

Успаміны былой вязніцы пра Саласпілскі лагер смерці

Успаміны былой вязніцы пра Саласпілскі лагер смерці

Яна добра памятае той летні дзень. За акном сталі чутныя роў матацыклаў і нямецкая гаворка.