Вы тут

Касплэеры сабраліся на фестывалі ў Мінску


Гэтымі днямі ў сталічным футбольным манежы праходзіць фестываль фантастыкі, фэнтэзі, коміксаў і камп’ютарных гульняў UniCon & Game Expo. Стэнды ўдзельнікаў занялі прыкладна палову яго плошчы. Паколькі зараз школьнікі знаходзяцца на восеньскіх вакацыях, то адбою ад жадаючых паўдзельнічаць у фестывалі нямала.


А заняцца там ёсць чым. Непадалёк ад уваходу ўсталяваны камп’ютарны стэнд, дзе можна не толькі паганяць на віртуальным аўтамабілі, але і пабіцца з умоўным злодзеем. Шмат стэндаў прысвечана звычайным настольным гульням, якія можна абсалютна вольна набыць. І пагуляць – на фестывалі дзейнічае бясплатная гульнятэка. І куды ж без тэматычных рэчаў – на алеі аўтараў прадаюцца магніты, значкі, плакаты, кубкі, дыванкі для мышэй…

Тут ёсць тэматычныя пакоі па серыяле “Зорныя войны”, камп’ютарных гульнях Stalker, Fallout. Але галоўнымі дзеючымі асобамі фестывалю з’яўляюцца касплэеры, якія ахвотна фатаграфуюцца з наведвальнікамі. На выходных праходзіць конкурс, на якім выбіраюць лепшыя касцюмы, зробленыя ўласнаручна.

Валяр'ян ШКЛЕННІК

Фота Таццяны ТКАЧОВАЙ

Выбар рэдакцыі

Культура

Што сiмвалiзуе ўнiкальны габелен з выявай Мацi-Беларусi, i хто ўвасоблены ў вобразе франтавой медсястры

Што сiмвалiзуе ўнiкальны габелен з выявай Мацi-Беларусi, i хто ўвасоблены ў вобразе франтавой медсястры

У Гродне падчас святкавання Дня Незалежнасцi прадстаўлены габелен, якi выткалi спецыяльна да 75-годдзя Вялiкай Перамогi. 

Грамадства

Запусцілі найноўшы спецыялiзаваны комплекс для падрыхтоўкi судовых экспертаў

Запусцілі найноўшы спецыялiзаваны комплекс для падрыхтоўкi судовых экспертаў

Дзяржаўнаму камiтэту судовых экспертыз споўнiлася сем гадоў.