Вы тут

Выстаўка "Культура Кітая” адкрыецца 6 лістапада на філфаку БДУ


На ёй будуць прадстаўлены больш за 50 экспанатаў, якія раскрываюць розныя аспекты культуры і мастацтва Паднябеснай. Пачатак мерапрыемства ў 15.45.


Цэнтральнае месца ў экспазіцыі зойме кітайская і беларуская вышыўка. У культуры двух народаў ёй надаецца вялікая ўвага. Аб розным значэнні сімвалаў вышыўкі ў традыцыях Кітая і Беларусі раскажа прафесар кафедры тэорыі літаратуры філалагічнага факультэта БДУ Ірына Казакова.

Наведвальнікі змогуць таксама ўбачыць лялек у нацыянальным кітайскім адзенні, маскі пекінскай оперы, вееры, святочныя надпісы, малюнкі па шоўку, таямнічых драконаў, царскіх тыграў і вясёлых панд. Для жадаючых пабліжэй пазнаёміцца з асаблівасцямі кітайскага фальклору, нацыянальнай кухні і славутасцей краіны будзе працаваць кніжны стэнд з выданнямі на кітайскай, англійскай і рускай мовах. Усе прадстаўленыя экспанаты — з асабістых калекцый супрацоўнікаў БДУ і фонду Цэнтра кітайскай культуры ў Мінску.

Выстаўка праводзіцца ў рамках рэалізацыі канцэпцыі крэатыўнай адукацыі ў БДУ. Прафесар Ірына Казакова лічыць арганізацыю наглядных мерапрыемстваў вельмі эфектыўным інструментам у навучальным працэсе.”Такія формы заняткаў дапамагаюць лепшаму ўспрыманню матэрыялу, спрыяюць эмацыйнаму рэагаванню, вучаць студэнтаў задаваць пытанні і самім шукаць на іх адказы, падахвочваюць да дыялогу, дыскусій і служаць матывацыяй да самастойных даследаванняў”, -- лічыць прафесар.

У бліжэйшай перспектыве у БДУ плануецца арганізаваць выставы, прысвечаныя культуры Казахстана, Турцыі, Расіі і іншых краін.

Надзея НІКАЛАЕВА

Выбар рэдакцыі

Культура

Акцёр Віктар Манаеў: Жыццё само па сабе з'яўляецца камедыяй

Акцёр Віктар Манаеў: Жыццё само па сабе з'яўляецца камедыяй

Размова пра сучаснае стаўленне да культуры, гастролі Купалаўскага тэатра ў савецкія часы і здымкі ў фільме «Ідзі і глядзі».

Грамадства

Зваршчык з Мсціслава стварае ўнікальныя жалезныя скульптуры

Зваршчык з Мсціслава стварае ўнікальныя жалезныя скульптуры

Аляксандра Папова ў Мсціславе ведаюць усе.

Калейдаскоп

Вясёлыя гісторыі чытачоў

Вясёлыя гісторыі чытачоў

Пра куфэрак и вяртанне блуднага мужа.