Вы тут

Геаграфічная дыктоўка пройдзе 11 лістапада ў Белдзяржуніверсітэце


Асноўнай мэтай міжнароднай адукацыйнай акцыі з'яўляецца ацэнка ўзроўню геаграфічнай пісьменнасці насельніцтва. Удзел у ёй — бясплатны і добраахвотны.


Дыктоўка складаецца з двух блокаў, кожны з якіх уключае 15 пытанняў, якія адрозніваюцца па ступені складанасці. У гэтым годзе заданні будуць разлічаны на логіку, кемлівасць і нестандартнасць мыслення.

Для праходжання дыктоўкі на геаграфічным факультэце БДУ неабходна зарэгістравацца на сайце Беларускага геаграфічнага таварыства па спасылцы: http://bgo.by/index.php/ru-ru/proekty/meropriyatiya/32-registratsiya-na-geograficheskij-diktant-2018

Між іншым, у прэс-службе Белдзяржунівесітэта паведамілі, што ў гэтым годзе  павялічылася колькасць пляцовак для правядзення міжнароднай адукацыйнай акцыі. Геаграфічныя веды можна будзе праверыць  таксама ў Магілёўскім дзяржаўным універсітэце імя А.А. Куляшова, Брэсцкім дзяржаўным універсітэце імя А.С. Пушкіна, Гомельскім дзяржаўным універсітэце імя Ф.Скарыны, Віцебскім дзяржаўным універсітэце імя П.М. Машэрава, Мінскім філіяле Расійскага дзяржаўнага сацыяльнага ўніверсітэта, Беларуска-Расійскім універсітэце, Мінскім філіяле Расійскага эканамічнага ўніверсітэта імя Г.В. Пляханава, Расійскім цэнтры навукі і культуры (у Мінску і Брэсце).

Вынікі выкананых работ стануць вядомыя 15 лістапада. З імі можна будзе азнаёміцца ​​на сайце “Геаграфічнай дыктоўкі”.

Арганізатарамі акцыі ў Беларусі выступаюць геаграфічны факультэт БДУ, Беларускае геаграфічнае таварыства пры падтрымцы Рускага геаграфічнага таварыства.

Даведка:

Упершыню “Геаграфічная дыктоўка” прайшла ў 2015 годзе ў Расіі.  У 2017 годзе праект атрымаў міжнародны статус дзякуючы таму, што ў ім узялі ўдзел больш як 260 тысяч чалавек з 25 краін свету. У бягучым годзе да праекта далучыцца больш за 80 краін. Беларусь прымае ўдзел у “Гаграфічнай дыктоўцы” ў другі раз.

Надзея НІКАЛАЕВА

Выбар рэдакцыі

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».

Грамадства

Як працуюць сапёры?

Як працуюць сапёры?

Больш за ўсё «сюрпрызаў» з часоў Вялікай Айчыннай вайны было знойдзена ў Докшыцкім, Талачынскім, Асіповіцкім і Лагойскім раёнах.