Дзяржаўнае прадпрыемства “Мінсктранс” праінфармавала, як напрыканцы і ў пачатку наступнага года будуць выконвацца рэйсы на Варшаву.
Так, з 20 снежня прадпрыемства будзе выконваць штодня рэйсы па маршруту Мінск — Варшава праз Беласток і Аэрапорт “Модлін” часам адпраўлення з Мінска ад АВ “Цэнтральны” ў 8.00 (з Варшавы з 21 снежня ў 19.30).
З 20 снежня “Мінсктрас” адкрывае рух аўтобусаў па маршруту Мінск — Варшава праз Баранавічы, Брэст, Варшаву (Аэрапорт ім.Шапэна) адпраўленнем з Мінска ад АВ “Цэнтральны” ў 0.30 штодня па 13 студзеня 2019 года і далей з 14 студзеня будзе выконваць рэйсы па пятніцах, суботах, нядзелях. З Варшавы аўтобусы пойдуць у 23.00 штодня з 21 снежня па 13 студзеня 2019 года і далей з 14 студзеня будуць курсіраваць па пятніцах, суботах, нядзелях.
Толькі 1 студзеня з Мінска ў 0.30 і 31 снежня з Варшавы ў 23.00 у рэйсы выконвацца не будуць.
Сяргей РАСОЛЬКА
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
