Вы тут

Беларускі супрацьпухлінны прэпарат будзе пастаўляцца ў Калумбію


Арыгінальны супрацьпухлінны прэпарат “Тэмадэкс”, распрацаваны навукоўцамі Белдзяржуніверсітэта, выйдзе на фармацэўтычны рынак Паўднёвай Амерыкі. Урачы-нейрахірургі з пяці клінік Калумбіі сустрэліся з кіраўніцтвам БДУ. У склад дэлегацыі, якая наведала беларускую ВНУ, увайшлі спецыялісты па вывучэнню, абследаванню і лячэнню розных форм анкалагічных захворванняў.


У рамках афіцыйнага візіту ў Беларусь спецыялісты прынялі ўдзел у правядзенні аперацыі ў Гарадской клінічнай бальніцы  хуткай медыцынскай дапамогі Мінска з выкарыстаннем “Тэмадэкса”. Правялі яе прафесар кафедры нервовых і нейрахірургічных захворванняў БДМУ Аляксандр Фядулаў і ўрач-нейрахірург вышэйшай катэгорыі Дзмітрый Вееўнік.

“Тэмадэкс” распрацаваны навукоўцамі НДІ фізіка-хімічных праблем БДУ і вырабляецца на прадпрыемстве “Унітэхпрам БДУ”. Прэпарат не мае сусветных аналагаў і ўяўляе сабой гідрагелевую тэрапеўтычную сістэму для лакальнай хіміятэрапіі злаякасных пухлін галаўнога мозгу. Ён прымяняецца для знішчэння ракавых клетак, якія засталіся пасля правядзення хірургічнай аперацыі, і прадухіляе рэцыдывы: даказана, што лекавы сродак павялічвае працягласць жыцця пацыента.

Ініцыятарам сустрэчы нейрахірургаў з Калумбіі з кіраўніцтвам БДУ стаў генеральны дырэктар кампаніі Double Bond Pharmaceutical (Швецыя) Ігар Локаць. Кампанія падпісала ў 2015 годзе дагавор з распрацоўшчыкамі прэпарата па яго прасоўванні на рынках далёкага замежжа. У бліжэйшы час плануецца абмеркаваць дэталёвыя пытанні па пастаўцы проціпухліннага лекавага сродку “Тэмадэкс” у калумбійскія клінікі.

Надзея НІКАЛАЕВА

Выбар рэдакцыі

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Грамадства

Хто пашкоджвае дрэвы ў вашым садзе?

Хто пашкоджвае дрэвы ў вашым садзе?

Хто, як не вучоныя Інстытута пладаводства, ведае, як атрымаць добры ўраджай і засцерагчы сад ад хвароб.

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў. 

Культура

Што паглядзець у брэсцкім музеі выратаваных каштоўнасцяў

Што паглядзець у брэсцкім музеі выратаваных каштоўнасцяў

Брэсцкі музей выратаваных каштоўнасцяў можна назваць мясцовым Луўрам — калі ўвогуле дарэчы параўноўваць адну культуру з іншай.