У Чэхіі хочуць забараніць дзікіх жывёл у цырках

Міністэрства сельскай гаспадаркі Чэхіі прапанавала цалкам забараніць выступ дзікіх жывёл у цырках, паведамляе агенцтва "РИА Новости".

Зараз у Чэхіі забаронена выкарыстоўваць у цырку цюленяў, жырафаў, гіпапатамаў і дзіцянятаў малпаў. Цяпер жа, як прапануюць чыноўнікі, забарона павінна пашырыцца на ўсіх дзікіх жывёл. Разам з тым у цырках можна будзе выступаць хатнім жывёлам - коням, вярблюдам або ламам.

У Чэхіі працуюць 12 цыркаў, у праграмах якіх удзельнічаюць дзікія жывёлы. Іх кіраўнікі сцвярджаюць, што жывёлы ўтрымліваюцца ў належных умовах. У сваю чаргу абаронцы жывёл выступаюць за тое, каб наогул адмовіцца ад шоу з удзелам жывёл.