Вы тут

Belarus Fashion Forum пройдзе ў сталіцы 16-17 лістапада


Belarus Fashion Forum пройдзе ў Мінску 16-17 лістапада, паведаміла старшыня РГА "Беларуская палата моды" Яніна Ганчарова, перадае БЕЛТА.


Фота: kompravda.eu

У гэтым годзе ўслед за Тыднем моды ў Беларусі (Belarus Fashion Week) пройдзе Belarus Fashion Forum (16-17 лістапада). У папярэднія гады гэты міжнародны адукацыйны форум называўся Fashion is my Profession. "Мы запрашаем у Мінск паспяховых спецыялістаў з розных краін Еўропы, якія могуць падзяліцца вопытам з беларускімі дызайнерамі і вытворцамі, даць парады, як выходзіць на рынак ЕС. Для выхаду на еўрапейскі рынак неабходна правесці яго аналіз, падрыхтоўку персаналу, таму кожны сезон мы арганізуем навучальныя трэнінгі, семінары. Спецыялістаў, якіх запрашаем, я ведаю асабіста і ўпэўненая, што гэтыя людзі дадуць цікавую і карысную інфармацыю членам Беларускай палаты моды", - сказала Яніна Ганчарова.

Генеральны дырэктар Беларускага фонду фінансавай падтрымкі прадпрымальнікаў Пётр Арушаньянц адзначыў, што швейны бізнес у Беларусі актыўна развіваецца суб'ектамі малога і сярэдняга прадпрымальніцтва ў розных рэгіёнах краіны. "Патэнцыял гэтых прадпрыемстваў вельмі высокі. Прадукцыя пастаўляецца як на рынак Беларусі, так і на замежныя рынкі, яна запатрабаваная і канкурэнтаздольная, попыт расце. На наш погляд, нішу, якую занялі беларускія вытворцы, можна пашырыць. Задача фонду і нашых партнёраў складаецца ў тым, каб сумеснымі намаганнямі рэалізаваць гэты патэнцыял. Самае галоўнае - кааперацыя, абмен досведам паміж прадстаўнікамі бізнесу, распрацоўка новых тэхналогій і форм работы, вывучэнне попыту. Наш фонд працуе ў розных напрамках, але ў асноўным з малымі прадпрыемствамі прыватнага бізнесу, у тым ліку і ў рэгіёнах. Вядзецца праца над стварэннем гарантыйнага фонду для малога і сярэдняга прадпрымальніцтва. Але важна ўзаемадзейнічаць і з канкрэтнымі галінамі. Адзін з такіх кірункаў - праца з швейным бізнесам", - адзначыў ён.

Выбар рэдакцыі

Грамадства

Чым жыве найлепшая маладая сям'я штурмавой авіяцыйнай базы ў Лідзе

Чым жыве найлепшая маладая сям'я штурмавой авіяцыйнай базы ў Лідзе

Абодва яны спяваюць, пішуць вершы пра сваю сям'ю і іграюць на музычных інструментах.

Грамадства

Франтавы повар аб тым, чым кармілі чырвонаармейцаў

Франтавы повар аб тым, чым кармілі чырвонаармейцаў

Разам з карэспандэнтам «Звязды» ветэран Вялікай Айчыннай вайны франтавы повар Ганна Воранава ўспомніла пра самыя шчаслівыя і самыя горкія моманты жыцця.

Эканоміка

Як зберагчы ўласныя фінансы ў падарожжы

Як зберагчы ўласныя фінансы ў падарожжы

Неад'емным аксесуарам вандроўкі сёння з'яўляецца плацежная картка.

Грамадства

Ці лёгка быць маладым дырэктарам школы?

Ці лёгка быць маладым дырэктарам школы?

Поспех установы адукацыі — заслуга педкалектыву, а няўдача — памылка яе кіраўніка.