Вы тут

Як нестандартна выкарыстаць другасныя рэсурсы, ведаюць на Гомельшчыне


Як нестандартна выкарыстаць другасныя рэсурсы, ведаюць на Гомельшчыне — напрыклад, у якасці дэкарацый і матэрыялаў для сцэнічных касцюмаў

Па ініцыятыве Хойніцкага ТЦСАН у мясцовым Доме культуры прайшоў VІ рэгіянальны фестываль дэкаратыўна-прыкладнога мастацтва «Чароўны свет фантазіі» з удзелам маладых інвалідаў, паведамляе газета «Хойніцкія навіны».


Гэтым разам канкурсантам прапанавалі прыдумаць дэкарацыі і касцюмы з поліэтылену для свайго выступлення. Кожная каманда пастаралася на славу. У спіс удзельнікаў увайшлі восем раёнаў: Калінкавіцкі, Лельчыцкі, Лоеўскі, Нараўлянскі, Петрыкаўскі, Рэчыцкі, Мазырскі і Хойніцкі.

Асноўная тэма фестывалю — «У гасцях у казкі». Моладзь дэманстравала фрагменты пастановак па матывах казак «Лятучы карабель», «Курачка Раба», басні «Страказа і мураш» і яшчэ некалькіх добра знаёмых мультфільмаў і дзіцячых песень.

Самым хвалюючым момантам свята стала цырымонія ўзнагароджання. Усе каманды атрымалі заслужаныя Падзякі ад арганізатараў за ўдзел. У намінацыі «Тэатральнае мастацтва» трэцяе месца заняў Петрыкаўскі ТЦСАН, другое — Хойніцкі, а пераможцамі сталі акцёры з Рэчыцкага ТЦСАН, якія цудоўна выступілі з урыўкам «Капрызная прынцэса».

У намінацыі «Эстэтычнае афармленне касцюмаў і дэкарацый» на трэцім месцы апынуліся майстры Лельчыцкага ТЦСАН, другое занялі прадстаўнікі Лоеўскага цэнтра, а перамогу святкавалі хайнічане. Іх неверагодная дэкарацыя для пастаноўкі «Беласнежка і сем гномаў» заслужана атрымала прыхільнасць журы і захапленне гледачоў.

За перамогу ў намінацыі «Тэатральнае майстэрства і ўменне працаваць у вобразе» ўзнагародзілі маладых артыстаў Мазырскага ТЦСАН. Прыз жа сімпатый гледачоў атрымала каманда з Калінкавіч.

У фінале свята ўсе яго ўдзельнікі праспявалі разам гімн фестывалю з абяцаннем сустрэцца тут налета.

Выбар рэдакцыі

Грамадства

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Беларусь і Расія зблізілі пазіцыі па праграме рэалізацыі дагавора аб Саюзнай дзяржаве

Аб гэтым заявіў старшыня Савета Рэспублікі Міхаіл Мясніковіч на сустрэчы са старшынёй Савета Федэрацыі Валянцінай Мацвіенка.

Грамадства

Як Брэст рыхтуецца да святкавання свайго 1000-годдзя

Як Брэст рыхтуецца да святкавання свайго 1000-годдзя

Афіцыйныя святкаванні і асноўныя мерапрыемствы гарадскога Міленіума пройдуць 6—8 верасня.

Калейдаскоп

Вясёлыя гісторыі нашых чытачоў

Вясёлыя гісторыі нашых чытачоў

Пра ляльку з секс-шопа, галубоў на ігрушы і дзяўчынку, якая схавала пашпарты.