Вы тут

Студэнцкі экалагічны кангрэс упершыню пройдзе ў БДУ 12 лістапада


Навуковае мерапрыемства збярэ прадстаўнікоў Беларусі, Расіі, Эквадора, Казахстана і Шры-Ланкі. Удзел у ім возьмуць каля 150 беларускіх і замежных студэнтаў. Нашу краіну  прадстаўляюць выхаванцы БДУ, БДПУ, Віцебскага дзяржаўнага медыцынскага ўніверсітэта і Беларускага дзяржаўнага ўніверсітэта транспарту.


Дэвіз форуму —  "Ідэя—Даследаванне—Рэалізацыя”. На навуковай канферэнцыі  абмяркуюць 27 студэнцкіх дакладаў. Фармат кангрэса прадугледжвае стварэнне пляцоўкі для дэманстрацыі студэнцкіх ініцыятыў па вырашэнні існуючых экалагічных праблем.

Найлепшы праект выберуць у рамках конкурсу “Экаідэі  твайго ўніверсітэта". У ім заяўлены 11 маладзёжных ініцыятыў. Напрыклад, студэнты БДУ выступяць з прапановай арганізацыі безадходнай лабараторыі на хімічным факультэце, прадэманструюць бяспечныя варыянты паскоранай ўтылізацыі цвёрдых бытавых адходаў. У сувязі з наяўнасцю ў Беларусі радовішчаў гліны будучыя эколагі распрацавалі тэхналогію з яе выкарыстаннем для ліквідацыі смеццевых звалак. Сярод экаідэй  ёсць і буйныя праекты. Адзін з іх — “Устойлівае інфраструктурнае будаўніцтва ў Альманскіх балотах”. Найлепшая распрацоўка атрымае фінансаванне для далейшага развіцця і рэалізацыі.

У праграму ўключаны таксама адукацыйныя мерапрыемствы. Выкладчыкі БДУ раскажуць аб асноўных этапах рэалізацыі бізнес-праектаў у галіне хіміі, экалогіі і аховы навакольнага асяроддзя і вядомых экалагічных праграмах. Стасункі будуць арганізаваныя ў фармаце “адкрытага мікрафона”. Таксама для ўдзельнікаў падрыхтуюць “Эказону псіхалагічнай разгрузкі”, дзе можна будзе прайсці розныя псіхалагічныя тэсты, ароматэрапію і пачаставацца экапрадуктамі.

Арганізатарамі кангрэса выступілі хімічны факультэт і “Унітэхпрам” БДУ.

Надзея НІКАЛАЕВА

Выбар рэдакцыі

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.

Грамадства

Як ператварыць звычайны ўрок беларускай літаратуры у творчую майстэрню?

Як ператварыць звычайны ўрок беларускай літаратуры у творчую майстэрню?

Настаўнікі ўпэўнены: ці будуць вучні чытаць, у многім залежыць ад іх саміх. 

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.