Сусветны тыдзень прадпрымальніцтва (GEW) адкрываецца сёння ў Беларусі, піша БЕЛТА.
Ключавой яго падзеяй стане першая ў краіне выстава-форум інавацыйных кампаній і стартапов Gew Belarus, якая разгорнецца 13 і 14 лістапада ў Нацыянальным выставачным цэнтры "Белэкспа". Форум збярэ на адной пляцоўцы прадстаўнікоў бізнесу і ўлады для абмену вопытам, вызначэння стратэгій развіцця, атрымання каштоўных ведаў і ўстанаўлення карысных сувязей.
13 лістапада пры падтрымцы пасольства Вялікабрытаніі ў Беларусі праводзіцца стартап-спаборніцтва Belbiz Battle. Конкурс будзе карысны для кампаній рэальнага сектара, арганізацый падтрымкі і пабудовы інфраструктуры, а таксама новага пакалення прадпрымальнікаў. Belbiz Battle - лепшая магчымасць заявіць пра сваю ідэю на рэспубліканскім узроўні, прыцягнуць новых карыстальнікаў і атрымаць доступ да еўрапейскіх бізнэс-акселератараў. У гэтым годзе будуць адабраныя пяць каманд-пераможцаў - яны адправяцца ў Лондан, дзе будуць прадстаўлены міжнародным інвестарам.
Праграмай форуму таксама запланавана мерапрыемства для дзяцей і падлеткаў - канферэнцыя па бізнесе AdVenture. Яна пройдзе 14 лістапада.
У гэтым годзе прадпрымальнікі змогуць прэзентаваць на выставе свае сэрвісы альбо прадукты з імянным стэндам. Гэта магчымасць даступная ўсім кампаніям, якія цэняць тэхналогіі і інавацыі, але прыярытэт аддаецца стартапам.
У Беларусі Сусветны тыдзень прадпрымальніцтва праводзіцца з 2011 года. Афіцыйны прадстаўнік - ТАА "Цэнтр дзелавых камунікацый "БЕЛБІЗ". Партнёрамі GEW Belarus сталі Агенцтва ЗША па міжнародным развіцці, Банк развіцця Беларусі, Міністэрства эканомікі, Міжнародная фінансавая карпарацыя і пасольства Вялікабрытаніі. Мерапрыемства пройдзе пры падтрымцы Савета Міністраў Беларусі.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.