Вы тут

Андрэй Кабякоў увайшоў у склад савета дырэктараў Белгазпрамбанка


9 лістапада 2018 года Андрэй Кабякоў, які займаў раней пасаду прэм'ер-міністра Беларусі, абраны ў склад савета дырэктараў Белгазпрамбанка ў статусе незалежнага дырэктара. У пачатку кастрычніка гэтага года Андрэй Кабякоў прайшоў ацэнку адмысловай камісіі Нацбанка па адпаведнасці кваліфікацыйным патрабаванням і патрабаванням да дзелавой рэпутацыі.


Фота: inform.kz

Андрэй Уладзіміравіч Кабякоў нарадзіўся 21 лістапада 1960 года ў Маскве. З трохгадовага ўзросту жыве ў Беларусі.

У 1983 годзе скончыў Маскоўскі авіяцыйны інстытут імя С. Арджанікідзэ, а ў 1991 годзе - Беларускі дзяржаўны інстытут народнай гаспадаркі імя В. В. Куйбышава і Інстытут паліталогіі і сацыяльнага кіравання КПБ. Па адукацыі інжынер-механік, эканаміст, палітолаг, выкладчык сацыяльна-палітычных дысцыплін.

З 1991 г. па 1995 год - начальнік планава-эканамічнага аддзела, намеснік дырэктара па эканоміцы заводу «Дыяпраектар».

1995 - 1996 гг. - намеснік начальніка Службы кантролю прэзідэнта Беларусі.

У 1996-1998 гг. быў намеснікам старшыні Камітэта дзяржаўнага кантролю Беларусі.

У 1998 г. займаў пасаду прэзідэнта Беларускага дзяржаўнага канцэрна па вытворчасці і рэалізацыі тавараў лёгкай прамысловасці.

1998 - 2000 гг. - старшыня Камітэта дзяржаўнага кантролю Беларусі.

З 2000 г. па 2001 г. - першы намеснік прэм'ер-міністра Беларусі.

2001 - 2010 гг. - намеснік прэм'ер-міністра Беларусі. З ліпеня 2002 г. па снежань 2003 г. - таксама быў міністрам эканомікі. У снежні 2010 г. быў прызначаны намеснікам кіраўніка Адміністрацыі прэзідэнта Беларусі.

З лістапада 2011 года па жнівень 2012 годзе быў надзвычайным і паўнамоцным паслом Рэспублікі Беларусь у Расійскай Федэрацыі.

З 27 жніўня 2012 г. па 27 снежня 2014 г. узначальваў адміністрацыю Прэзідэнта Беларусі.

З 27 снежня 2014 г. па 18 жніўня 2018 г. - прэм'ер-міністр Беларусі.

belgazprombank.by

Выбар рэдакцыі

Грамадства

Як у калоніі жывуць мамы з дзецьмі

Як у калоніі жывуць мамы з дзецьмі

Як гэта — бачыцца з дзецьмі па раскладзе.

Культура

Акцёр Віктар Манаеў: Жыццё само па сабе з'яўляецца камедыяй

Акцёр Віктар Манаеў: Жыццё само па сабе з'яўляецца камедыяй

Размова пра сучаснае стаўленне да культуры, гастролі Купалаўскага тэатра ў савецкія часы і здымкі ў фільме «Ідзі і глядзі».

Грамадства

Зваршчык з Мсціслава стварае ўнікальныя жалезныя скульптуры

Зваршчык з Мсціслава стварае ўнікальныя жалезныя скульптуры

Аляксандра Папова ў Мсціславе ведаюць усе.