Вы тут

Як захаваць часнок да наступнага ўраджаю


Існуе мноства спосабаў захавання часнаку, якія дазваляюць прадухіліць загніванне і высыханне агародніны. Вядома, галоўнае, перад тым як прыбраць на захоўванне, добра прасушыць часнок, каб яго паверхня загрубела. Для гэтага яго адпраўляюць у прахалоднае, сухое і абароненае ад прамых прамянёў сонца месца прыкладна на 7-10 дзён. Але засяродзімся менавіта на спосабах захоўвання.


Мука і соль

Галоўкі раскладваюць у слоікі і перасыпаюць соллю або мукой, пасля гэтага няшчыльна закрываюць накрыўкай.

Сена

Захоўванне ў сене было вядома яшчэ нашым прабабулям. Трэба ўзяць скрыню, толькі не з суцэльнымі сценкамі, а з рэечнымі, пакласці ў яе пласт сена, не ўтрамбоўваючы. Пасля гэтага ў сена ўторкнуць галоўкі часнаку так, каб яны знаходзіліся на невялікай адлегласці адна ад адной. Скрыню паставіць у сухім і прахалодным месцы.

Парафін

Гэты спосаб распаўсюджаны не так моцна, як папярэдні, аднак ён вельмі эфектыўны. Для пачатку трэба растапіць парафін, потым хутка акунаць у яго прасушаныя галоўкі часнаку і выкладваць на паперу або пергамент, каб парафін застыў. Апрацаваны такім спосабам часнок можа паспяхова захоўвацца нават у пакоі.

Вакуумныя пакеты

А вось гэта ўжо вынаходка сучаснасці. Падрыхтаваны часнок складаюць у вакуумныя пакеты і захоўваюць у кладоўцы. Галоўнае — пакеты павінны быць якасныя, інакш ураджай захаваць не атрымаецца.

Традыцыйныя косы

Здаўна часнок не абразалі, а запляталі хвасты ў косы і падвешвалі ў прахалодным і сухім месцы. Так ён выдатна захоўваецца і не гніе.

Свечка ці іншая крыніца адкрытага агню

Карэньчыкі часнаку апальваюць над свечкай і потым агародніну захоўваюць пры пакаёвай тэмпературы.

Алей

А вось тут давядзецца папрацаваць — зубчыкі трэба ачысціць ад шалупіны і заліць алеем. Такі часнок выкарыстоўваюць для прыгатавання першых і другіх страў. Пры гэтым духмяны алей, насычаны сокам часнаку, выдатна падыходзіць для смажання і запраўкі салатаў.

Слоік

Прасушаны часнок абразаюць, пакідаючы 2-3 см, потым складаюць у чысты сухі слоік і захоўваюць у кладоўцы, не закрываючы накрыўкай.

Выбар рэдакцыі

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.

Грамадства

Як ператварыць звычайны ўрок беларускай літаратуры у творчую майстэрню?

Як ператварыць звычайны ўрок беларускай літаратуры у творчую майстэрню?

Настаўнікі ўпэўнены: ці будуць вучні чытаць, у многім залежыць ад іх саміх. 

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.