Вы тут

Вызначыліся фіналісты конкурсу маладзёжных ІТ-праектаў


Паўфінал III Рэспубліканскага конкурсу маладзёжных праектаў “Інфармацыйныя і мабільныя тэхналогіі для адукацыйнага працэсу” прайшоў у Мінску. На гэтым этапе свае ідэі прадставілі 30 каманд з розных рэгіёнаў Беларусі. У фінал выйшлі 13 праектаў.


Усяго ў аргкамітэт конкурсу было пададзена больш за 120 заявак ад школьнікаў і студэнтаў. Сярод іх навучальны комплекс па класічнай крыптаграфіі, электронны інтэрактыўны дапаможнік, матывацыйны трэнер, мабільная праграма для падрыхтоўкі да ЦТ, сістэма кіравання мікракліматам “Разумны класс”…

Экспертная група, у склад якой увайшлі спецыялісты Міністэрства адукацыі, МТС, beCloud, БДЭУ, мясцовага сацыяльнага фонду “Добра” ацэньвала работы па некалькіх крытэрыях. Улічваліся актуальнасць, навізна думкі, выніковасць, магчымасць выкарыстоўваць праект ва ўстановах адукацыі.

У фінал конкурсу выйшлі: трэнажор па чарчэнні, ДУА "Гімназія №1 г.Ваўкавыска; мабільны дадатак “RiBFoP”, сярэдняя школа № 11 г.Слуцка; праект для навучальнай установы па напаўненню шостага школьнага дня “Сфера N: School. Saturday. Event “, ліцэй № 1 г. Гродна; дыстанцыйны навучальны курс “MiniBoss.Фінансавая адукаванасць”, гімназія № 1 г.п. Зэльва; MotivArt  — шматмерная сістэма пазітыўнай матывацыі навучэнцаў, ліцэй № 1 г. Гродна; электронны інтэрактыўны дапаможнік “Прыродныя з'явы”, сярэдняя школа № 6 г. Магілёва;  мессенджар для адукацыйных устаноў NEXU, Палескі дзяржаўны універсітэт і іншыя..

Наступным этапам конкурсу стане праца з ментарамі. У маладых людзей будзе магчымасць пракансультавацца са спецыялістамі і атрымаць рэкамендацыі, як удасканаліць і прасунуць далей свой праект.

Вынікі конкурсу падвядуць 30 лістапада на II Міжнароднай спецыялізаванай навукова-тэхнічнай выставе-форуме “Інфармацыйныя тэхналогіі ў адукацыі” ITE 2018. Там выберуць пераможцаў у трох намінацыях: “Найлепшы інавацыйны праект навучэнцаў устаноў агульнай сярэдняй адукацыі”, “Найлепшы інавацыйны праект навучэнцаў устаноў прафесійна-тэхнічнай і сярэдняй спецыяльнай адукацыі” і “Найлепшы інавацыйны праект студэнтаў устаноў вышэйшай адукацыі".

Аўтары найлепшых праектаў атрымаюць падарункі ад кампаніі МТС, а камандзе, якая заняла першае месца, дастанецца галоўны прыз — ноўтбук ад ГІАЦ Мінадукацыі.

Надзея НІКАЛАЕВА

Выбар рэдакцыі

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM? 

Палітыка

Аляксандр Лукашэнка сустрэўся з прадстаўнікамі СМІ Расіі

Аляксандр Лукашэнка сустрэўся з прадстаўнікамі СМІ Расіі

Некалькі рэчаў сёлета адбываюцца ўпершыню.

Грамадства

Ці набудуць у гаспадароў старыя хаты?

Ці набудуць у гаспадароў старыя хаты?

Адэльскі сельскі савет, што ў Гродзенскім раёне, можна назваць брамай у Еўрасаюз.