Вы тут

Рабочы з Дзятлава стаў ахвярай інтэрнэт-ашуканцаў


Як паведамілі ў Следчым камітэце, 41-гадовы жыхар горада Дзятлава звярнуўся з заявай, у якой растлумачыў, што ўбачыў у інтэрнэце сайт кампаніі Quаntum Sуstеm, якая прапаноўвала заробак на правядзенні здзелак з фіксаваным прыбыткам і прыцягненнем сваіх аналітыкаў. Пасля прагляду прэзентацыйнага роліка кампаніі, якая гарантавала высокія прыбыткі пры мінімальных укладаннях грашовых сродкаў, мужчына пачаў супрацоўнічаць з ёй.


Ён зарэгістраваўся на сайце і выконваў усе ўказанні куратара. Пры гэтым пералічваў у Расійскую Федэрацыю замежную валюту, паколькі меркаваў, што яго грошы ідуць на здзелкі з каштоўнымі паперамі і металамі. Усяго ён пералічыў 3 тысячы долараў ЗША.

Калі мужчына паспрабаваў вывесці свае сродкі з абароту разам з абяцанымі працэнтамі, работнік кампаніі Quаntum Sуstеm па тэлефоне запатрабаваў пералічыць за гэта 1 тысячу долараў ЗША. Пасля адмовы выканаць патрабаванне ён перастаў выходзіць на сувязь.

Дзятлаўскім раённым аддзелам СК распачата крымінальная справа па факце завалодання маёмасцю шляхам падману з выкарыстаннем інтэрнэту (ч. 1 арт. 209 Крымінальнага кодэкса Рэспублікі Беларусь).

Следчыя ўстанавілі, што пацярпелы пералічваў свае грошы ў Расію на адрасы розных фізічных асоб. Дарэчы, у сеціве ёсць інфармацыя аб тым, што Quаntum Sуstеm з'яўляецца ашуканскім праектам і яго ахвярамі сталі грамадзяне з многіх краін. «Мільянер», які здымаўся ў прэзентацыйным роліку, на самай справе з'яўляецца малавядомым акцёрам. Нягледзячы на ўсё гэта, колькасць ахвяр падману павялічваецца.

Улічваючы ўсё гэта, следчыя настойліва рэкамендуюць грамадзянам не ажыццяўляць спробы зарабіць грошай пры дапамозе сумнеўных інтэрнэт-рэсурсаў.

Сяргей КУЛАКОЎ

Выбар рэдакцыі

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Грамадства

Хто пашкоджвае дрэвы ў вашым садзе?

Хто пашкоджвае дрэвы ў вашым садзе?

Хто, як не вучоныя Інстытута пладаводства, ведае, як атрымаць добры ўраджай і засцерагчы сад ад хвароб.

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў. 

Культура

Што паглядзець у брэсцкім музеі выратаваных каштоўнасцяў

Што паглядзець у брэсцкім музеі выратаваных каштоўнасцяў

Брэсцкі музей выратаваных каштоўнасцяў можна назваць мясцовым Луўрам — калі ўвогуле дарэчы параўноўваць адну культуру з іншай.