Колькасць загінулых у выніку ляснога пажару Camp у Каліфорніі павялічылася да 48 чалавек, паведамляе тэлеканал KSBY са спасылкай на шэрыфа каліфарнійскай акругі Бьют Коры Хонэ, цытуе ria.ru.
Раней паведамлялася аб 42 загінулых. Паводле слоў шэрыфа, яшчэ шэсць целаў знайшлі ў акрузе Парадайз. Па дадзеных тэлеканала, пажар лакалізаваны на 35%. Агонь разбурыў ужо больш за 8,8 тысячы пабудоў, каля 52 тысяч чалавек эвакуіраваныя. У тушэнні агню прымаюць удзел больш за 5,6 тысячы пажарных.
Пажар Camp пачаўся ў чацвер на поўначы Каліфорніі і стаў самым разбуральным у гісторыі штата. Агонь ахапіў амаль 45 тысяч гектараў. На поўдні Каліфорніі бушуюць яшчэ два пажары: Woolsey і Hill. Эвакуіравалі ўжо больш за 300 тысяч чалавек. Дональд Трамп абвясціў у штаце рэжым буйнога стыхійнага бедства.
Да гэтага часу самым разбуральным у гісторыі Каліфорніі лічыўся леташні пажар Tubbs - таксама на поўначы штата, бліжэй да ўзбярэжжа. Тады ён ахапіў амаль 15 тысяч гектараў і знішчыў больш за 5,5 тысячы пабудоў.
Выбар саджанца для садавода — той момант, значнасць якога складана пераацаніць.
Канцэрт для дзяцей і моладзі, пластычны спектакль Ягора Дружыніна і «Рок-панарама».