Вы тут

Студэнты з Магілёва дадуць у Польшчы майстар-клас па прыгатаванні дранікаў


Студэнцкая каманда Магілёўскага дзяржаўнага ўніверсітэта ў складзе трох чалавек прайшла конкурсны адбор і атрымала запрашэнне ўзяць удзел 16-17 лістапада ў Х Усепольскім кулінарным конкурсе "Польская кулінарыя на Мазовіі". Пра гэта паведаміла прарэктар па выхаваўчай працы ўніверсітэта, нацыянальны эксперт WorldSkills Belarus па кампетэнцыі "Кулінарнае мастацтва" Вольга Мацікова, піша БЕЛТА.


Фота: lifehacker.ru

Конкурс праводзіцца сярод студэнтаў профільных навучальных устаноў Польшчы з розных рэгіёнаў, якія забяспечваюць падрыхтоўку спецыялістаў для сферы грамадскага харчавання. Магілёўская каманда прыме ўдзел у ім упершыню. Ягор Окунеў і Кацярына Чурбанава будуць гатаваць стравы і закускі і спаборнічаць у конкурсе кухароў, а Дар'я Ерафеенка пройдзе тэсціраванне на англійскай мове на прадмет ведання класічнай тэхналогіі абслугоўвання гасцей у рэстаране, правядзе тэматычную сервіроўкі стала і абслугоўванне ў нумары гасцініцы.

Выкладчыкі і студэнты правядуць майстар-клас па прыгатаванні дранікаў.

Асноўнымі задачамі конкурсу з'яўляюцца ўдасканаленне навыкаў студэнтаў па падрыхтоўцы кулінарнай прадукцыі, стымуляванне іх ініцыятыўнасці, вынаходлівасці і крэатыўнасці, пашырэнне ведаў у галіне абслугоўвання спажыўцоў, павышэнне ўзроўню прафесійнай адукацыі і наладжванне супрацоўніцтва паміж установамі адукацыі розных краін, якія спецыялізуюцца на падрыхтоўцы спецыялістаў для сферы грамадскага харчавання.

"Мы вельмі спадзяемся, што нашы студэнты прадэманструюць годны ўзровень прафесіяналізму, іх праца будзе высока ацэненая прафесійным журы", - дадала Вольга Мацікова.

Выбар рэдакцыі

Рэгіёны

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Сок з дастаўкай і з ледзяшамі: на Брэстчыне пачаўся сезон нарыхтоўкі бярозавіку

Як мы бярозавік куплялі на гандлёвай пляцоўцы лясгаса і ў лясніцтве

Культура

Анатоль Ярмоленка: Нас натхняе беларуская паэтычная класіка

Анатоль Ярмоленка: Нас натхняе беларуская паэтычная класіка

Творчая вечарына народнага артыста Беларусі прайшла ў адной з мінскіх гімназій.