Вы тут

На юбілейнай выставе НАН прадставіць звыш 300 распрацовак і тэхналогій


16 лістапада ў НАН Беларусі (пр. Незалежнасці, 66) адкрыецца маштабная выстава навукова-тэхнічных дасягненняў вучоных. На ёй будзе прадстаўлена больш за 300 новых распрацовак і тэхналогій.


Выстава будзе складацца з 7 кластараў, звязаных з прыярытэтнымі навуковымі напрамкамі. У рамках экспазіцыі можна будзе азнаёміцца ​​з інфармацыйна- камунікацыйнымі і авіякасмічнымі тэхналогіямі (Беларускай касмічнай сістэмай дыстанцыйнага зандзіравання Зямлі, беларускім офісным суперкам’ютарам  “Скіф-Геа”, тэхналогіяй аўтаматычнай ідэнтыфікацыі і электронных дзелавых аперацый); электратранспартам, у тым ліку персанальным, а таксама аўтакампанентамі (суперкандэнсатарным  назапашвальнікам энергіі для пасажырскага электробуса).

Наведвальнікі змогуць убачыць апошнія дасягненні ў галіне біятэхналогій,  медыцынскіх і фармацэўтычных тэхналогій. Не застануцца без увагі оптыка і лазерная фізіка, лазерныя сістэмы і тэхналогіі ў медыцыне, экалогіі, прамысловасці, метралогіі і абароне інфармацы, нана- і адытыўныя тэхналогіі (кампазіцыйныя матэрыялы, матэрыялы для экструзійнага 3D-друку), агратэхналогіі (інавацыйныя гатункі сельскагаспадарчых культур з высокімі паказчыкамі прадуктыўнасці і якасці; функцыянальныя прадукты харчавання), а таксама інавацыйнае машынабудаванне для сельскай гаспадаркі.

Многія распрацоўкі беларускіх вучоных не маюць аналагаў у свеце. Напрыклад,  Фізіка-тэхнічны інстытут прадэманструе ахоўна-дэкаратыўныя пакрыцці на тытанавых імплантатах. Яны дазваляюць палепшыць біясумяшчальнасць,  зносаўстойлівасць і каразійную трываласць медыцынскіх імплантатаў з тытанавых сплаваў.

У холе другога паверха Прэзідыума НАН Беларусі можна будзе азнаёміцца ​​з экспазіцыямі гуманітарнага профілю: археалагічнай, выставай сучасных кніжных выданняў, выставай літаратуры, прысвечанай гісторыі Акадэміі навук.

У свабодным доступе будзе знаходзіцца абноўленая пастаянна-дзеючая выстава "Дасягненні айчыннай навукі -- вытворчасці".

З віртуальнай выставай НАН Беларусі на рускай і англійскай мовах можна азнаёміцца ​​па адрасе http://ictt.by/exh-nasb/.

15 --16 лістапада  адбудуцца ўрачыстыя мерапрыемствы, прысвечаныя 90-годдзю НАН Беларусі. Чакаецца прыезд вядомых навукоўцаў Саюзнай дзяржавы, СНД, вядучых замежных Акадэмій навук, сусветных навукова-даследчых арганізацый і цэнтраў. 16 лістапада ў Вялікай канферэнц-зале Прэзідыума НАН Беларусі адбудзецца ўрачысты сход навуковай грамадскасці краіны, прысвечаны 90-годдзю НАН Беларусі, дзе будуць узнагароджаны лепшыя навукоўцы краіны.

Надзея НІКАЛАЕВА

Выбар рэдакцыі

Калейдаскоп

Вясёлыя гісторыі чытачоў

Вясёлыя гісторыі чытачоў

Пра куфэрак и вяртанне блуднага мужа.

Эканоміка

У сельскай гаспадарцы трэба кардынальна мяняць павышэнне кваліфікацыі

У сельскай гаспадарцы трэба кардынальна мяняць павышэнне кваліфікацыі

«МС» пагутарыла з вядомым у Беларусі вучоным-аграрыем.

Грамадства

Андрэй Кароль: Студэнтаў трэба задзейнічаць у кухні па «прыгатаванні» ведаў

Андрэй Кароль: Студэнтаў трэба задзейнічаць у кухні па «прыгатаванні» ведаў

Рэктар БДУ пра нешаблоннае мысленне, эўрыстычнае навучанне і адмаўленне ад маналогу.