Вы тут

На Магілёўшчыне ўручаць прэміі ў галіне шоу-бізнесу і медыя-прасторы


Штогадовая цырымонія ўручэння прэмій у галіне шоу-бізнесу і медыя-прасторы  Магілёва і Магілёўскай вобласці “Неверагодны Ферзь — 2018” адбудзецца 24 лістапада. Яна пройдзе ў Палацы культуры вобласці. Гасцей і ўдзельнікаў да пачатку самой цырымоніі чакаюць перфоманс, падарункі, фотазоны.


У гэтым годзе самыя яркія прадстаўнікі шоу-бізнэсу і медыя-прасторы атрымаюць заслужаныя ўзнагароды ў намінацыях: “Неверагодны Ферзь”, “Клубны Ферзь”, “Гаворачы Ферзь”, “Мельпаменавы Ферзь”, “Аб'ектыўны Ферзь”, “Модны Ферзь”, “Танцуючы Ферзь”, “Закадравы Ферзь”, “Спецыяльны Ферзь”.

Так, прэмія ў намінацыі "Модны Ферзь” уручаецца ў галіне моды, іміджу і стылю па выніках года альбо за шматгадовую паспяховую дзейнасць у прадстаўленых у намінацыі прафесіях. А гэта цырульнікі, візажысты, дызайнеры адзення (мадэльеры), фота і подыум-мадэлі.

За заслугі ў сферы гутарковага жанру, а таксама вядзення мерапрыемстваў і перадач рознага ўзроўню і за высокі прафесіяналізм па выніках года альбо за працяглую, шматгадовую прафесійную паспяховую дзейнасць вядучыя мерапрыемстваў, дыктары, тэле- і радыёвядучыя змогуць паспаборнічаць у намінацыі “Гаворачы Ферзь”.

У намінацыі “Аб'ектыўны Ферзь” прэмія ўручаецца за заслугі ў галіне фота-, відэа- і графічнага дызайну. Работы ацэньваюцца па выніках года альбо за шматгадовую паспяховую дзейнасць. Удзельнічаюць у ёй фатографы, відэаграфія, графічныя дызайнеры.

Гукарэжысёры, гукааператары, асвятляльнікі, тэхнікі, тэхнічныя спецыялісты за шматгадовую паспяховую дзейнасць у медыя-прасторы атрымаюць прэмію ў намінацыі “Закадравы Ферзь” і г.д.

А галоўная прэмія ў намінацыі “Неверагодны Ферзь” уручаецца за заслугі ў сферах грамадскай дзейнасці, шоу-бізнесу і медыя-прасторы Магілёва і Магілёўскай вобласці па выніках года і працяглай прафесійнай дзейнасці на працягу многіх гадоў.

Арганізатарамі мерапрыемства выступаюць Магілёўскі абласны камітэт БРСМ, Палац культуры вобласці.

Сяргей РАСОЛЬКА

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».