Вы тут

ДАІ рэкамендуе падрыхтаваць аўтамабіль да зімы


Учора каля 11 гадзін дня на 176-м кіламетры трасы М10 «Мяжа Расійскай Федэрацыі — Гомель — Кобрын» адбылося дарожна-транспартнае здарэнне, у якім загінулі пяць чалавек. Трагічны інцыдэнт здарыўся за пяць кіламетраў ад населенага пункта Малыя Аўцюкі (Калінкавіцкі раён, Гомельская вобласць). Мікрааўтобус «Фольксваген-Транспарцёр» з пасажырамі выехаў на паласу сустрэчнага руху, дзе сутыкнуўся з малакавозам МАЗ. У выніку пяць пасажыраў VW (усе жанчыны) памерлі на месцы аварыі. Кіроўца быў дастаўлены ў рэанімацыйнае аддзяленне...


Таксама пяць чалавек пацярпелі ў аварыі з удзелам рэйсавага мікрааўтобуса ў Смаргонскім раёне, паведамілі ў галоўным упраўленні аховы здароўя Гродзенскага аблвыканкама. Мікрааўтобус «Мерседэс» рухаўся па маршруце Смаргонь — Гродна. Каля шасці гадзін раніцы паблізу вёскі Солы з-за моцнага дажджу кіроўца не справіўся з кіраваннем, у выніку чаго аўтамабіль вылецеў у кювет і перакуліўся на бок. У бальніцу даставілі пяць чалавек. Пасля агляду трох з іх адпусцілі дадому. Двое мужчын шпіталізаваныя...

Так, надвор'е псуецца, дарожныя ўмовы робяцца складанымі, светлавы перыяд — кароткі. І дарэчы, надыходзіць зіма, з усімі вынікаючымі... ДАІ рэкамендуе загадзя паклапаціцца аб падрыхтоўцы свайго аўтамабіля да эксплуатацыі ў зімовы перыяд.

Першае, з чаго варта пачаць, — гэта колы, а менавіта аўтамабільныя шыны. Ад пакрышак, іх якасці і надзейнасці залежыць бяспека руху. Ва ўмовах галалёдзіцы і снежнага накату зімовыя шыны дапамагаюць скараціць тармазны шлях і значна паляпшаюць кіраванне аўтамабілем. Пры нізкіх тэмпературах летняя гума «дубее» і перастае выконваць свае функцыі па забеспячэнні добрага счаплення з дарожным пакрыццём, выкарыстанне такіх шын становіцца небяспечным. І калі пакуль вы яшчэ можаце разважаць, мяняць ці не мяняць гуму, хоць лепш гэта зрабіць цяпер, каб пазбегнуць чэргаў на шынамантажах, то з 1 снежня па 1 сакавіка выкарыстанне зімовых шын становіцца абавязковым патрабаваннем. У гэты перыяд іх адсутнасць будзе пагражаць адміністрацыйным спагнаннем.

Неабходна праверыць агульны стан сістэмы ацяплення: ад яе спраўнасці залежыць магчымасць бесперашкодна назіраць праезную частку і дарожную абстаноўку перад сабой і па баках. Важна праверыць спраўнасць фар і габарытных агнёў. Не будзе лішнім замяніць шклоачышчальнікі, абмывальнік ветравой шыбы неабходна заправіць спецыяльнай незамярзальнай вадкасцю.

Варта і самім перастроіцца на зімовы стыль кіравання. Выбіраць бяспечную хуткасць і дыстанцыю з улікам стану праезнай часткі, адмовіцца ад рызыкоўных манеўраў і бясконцых перастраенняў з шэрагу ў шэраг, пазбягаць рэзкіх тармажэнняў, павысіць пільнасць пры праездзе пешаходных пераходаў. Неабходна абдумваць кожнае сваё дзеянне, кіраваць транспартам спакойна і акуратна.

Пешаходам важна разумець, што на слізкай дарозе ў разы павялічваецца тармазны і прыпыначны шлях любога транспартнага сродку. Пры ўжыванні экстраннага тармажэння аўтамабіль можа сысці ў некіраваны занос. У сувязі з гэтым пешаходам не варта рызыкаваць уласнай бяспекай, неабходна пераходзіць дарогу ва ўстаноўленых месцах і толькі пераканаўшыся, што ўсе аўтамабілі паспелі спыніцца. Ва ўмовах недастатковай бачнасці пазначаць сябе святлоадбівальнымі элементамі, якія дапамагаюць кіроўцу своечасова заўважыць чалавека на дарозе.

Сяргей КУЛАКОЎ, Сяргей РАСОЛЬКА

Загаловак у газеце: Час небяспекі: будзьце пільныя!

Выбар рэдакцыі

Грамадства

Сувораўскае вучылішча вачыма яго навучэнцаў

Сувораўскае вучылішча вачыма яго навучэнцаў

Быць сувораўцам ва ўсе часы было прэстыжна. 

Культура

Харвацкі кінафестываль ZаgrеbDох даследуе рэгіён вялікім экранам

Харвацкі кінафестываль ZаgrеbDох даследуе рэгіён вялікім экранам

Балканскія краіны паўсталі перад гледачом з іх надзённым.

Эканоміка

Новыя жыллёвыя ўмовы. Абараніць уласнікаў, спажыўцоў і пастаўшчыкоў паслуг

Новыя жыллёвыя ўмовы. Абараніць уласнікаў, спажыўцоў і пастаўшчыкоў паслуг

Пра новаўвядзенні, якія дэпутаты мусяць разгледзець на вясновай сесіі.