Вы тут

Кожны сёмы малады чалавек у Беларусі з'яўляецца студэнтам


Сярод беларускай моладзі кожны сёмы з'яўляецца студэнтам. Такая інфармацыя прыведзена ў статыстычным аглядзе да Міжнароднага дня студэнтаў (17 лістапада) на сайце Белстата, паведамляе БЕЛТА.


"У 2017/2018 навучальным годзе сярод краін СНД па колькасці студэнтаў у разліку на 10 тыс. чалавек Беларусь мела самы высокі паказчык - 315 чалавек", - сказана ў аглядзе. Трохі адстае Украіна (314 студэнтаў на 10 тыс. насельніцтва), затым ідзе Арменія (305), Расія (289), Казахстан (273) і інш.

Што характэрна, у мінулым навучальным годзе ў беларускіх ВНУ навучаліся 15 тыс. грамадзян замежных дзяржаў (5% ад агульнай колькасці студэнтаў), з іх студэнты з краін СНД складалі 69%.

У цэлым, у 2017/2018 навучальным годзе вышэйшую адукацыю ў 51 установе атрымлівалі 284 тыс. студэнтаў (стыпендыю на дзённай форме атрымлівалі 84 тыс.), пры гэтым дзевяць з дзесяці маладых людзей навучаліся ў дзяржаўных ВНУ. Найбуйнейшымі з іх з'яўляюцца Беларускі дзяржаўны ўніверсітэт (23,9 тыс. студэнтаў), Беларускі нацыянальны тэхнічны ўніверсітэт (23,2 тыс.), Беларускі дзяржаўны эканамічны ўніверсітэт (15,9 тыс.), Беларускі дзяржаўны ўніверсітэт інфарматыкі і радыёэлектронікі (12,4 тыс.), Гродзенскі дзяржаўны універсітэт імя Янкі Купалы (11,9 тыс.).

У студэнцкім асяроддзі на 100 хлопцаў прыходзіцца 119 дзяўчат.

Падрыхтоўка спецыялістаў з вышэйшай адукацыяй у Беларусі ажыццяўляецца па 15 профілях адукацыі, якія ўключаюць больш за 400 спецыяльнасцяў і напрамкаў спецыяльнасцей.

Штогод усё больш студэнтаў вырашаюцца працягнуць навучанне ў магістратуры. За апошнія 10 гадоў колькасць магістрантаў павялічылася ў 3,7 разы і склала ў 2017/2018 навучальным годзе 15 тыс. чалавек

Выбар рэдакцыі

Грамадства

Як у калоніі жывуць мамы з дзецьмі

Як у калоніі жывуць мамы з дзецьмі

Як гэта — бачыцца з дзецьмі па раскладзе.

Культура

Акцёр Віктар Манаеў: Жыццё само па сабе з'яўляецца камедыяй

Акцёр Віктар Манаеў: Жыццё само па сабе з'яўляецца камедыяй

Размова пра сучаснае стаўленне да культуры, гастролі Купалаўскага тэатра ў савецкія часы і здымкі ў фільме «Ідзі і глядзі».

Грамадства

Зваршчык з Мсціслава стварае ўнікальныя жалезныя скульптуры

Зваршчык з Мсціслава стварае ўнікальныя жалезныя скульптуры

Аляксандра Папова ў Мсціславе ведаюць усе.