Вы тут

Праэкзаменаваць свае гістарычныя веды запрашаюць 17 лістапада ў БДУ


Міжнародная адукацыйная акцыя “Гістарычны Maximum” упершыню адбудзецца ў Белдзяржуніверсітэце 17 лістапада. Пляцоўкай для яе правядзення стане гістарычны факультэт БДУ (вул. Чырвонаармейская, 6), дзе кожны ахвотны ў зручны для яго час з 12.00 да 19.30 зможа праверыць свае веды ў гістарычнай галіне.


Удзельнікам будзе прапанавана выканаць тэставыя заданні па сусветнай і расійскай гісторыі. Усіх падзеляць на тры катэгорыі: “пачатковец”, “аматар” і  “гісторык”. Кожны выбірае пэўны тып пытанняў, зыходзячы з узроўню сваёй падрыхтоўкі. Студэнты і выпускнікі гістарычных факультэтаў могуць удзельнічаць выключна ў катэгорыі “гісторык”.

На выкананне заданняў адводзіцца 30 хвілін. Максімальна можна будзе набраць 70 балаў. Тэсты былі складзеныя супрацоўнікамі Інстытута гісторыі Санкт-Пецярбургскага дзяржаўнага ўніверсітэта.

Удзельнічаць у акцыі можна як індывідуальна, так і ў складзе каманды па 2-4 чалавека. Рэгістрацыя ажыццяўляецца на сайце праекта http://historymax.ru/testirovanie/ да 17 лістапада ўключна.

Імёны пераможцаў назавуць 18 лістапада. Кожнага з іх узнагародзяць памятнымі падарункамі. Арганізатарам акцыі выступіў гістарычны факультэт БДУ пры падтрымцы Інстытута гісторыі Санкт-Пецярбургскага дзяржаўнага ўніверсітэта.

Даведка:

Адукацыйная акцыя “Гістарычны Maximum” упершыню прайшла ў 2016 годзе ў Санкт-Пецярбургу. На наступны год мерапрыемства было арганізавана таксама ў Москве. Сёлета да праекта далучацца жыхары Мінска, Ніжняга Ноўгарада, Вялікага Ноўгарада, Краснаярска, Калінінграда і горада Тарту (Эстонія).

Надзея НІКАЛАЕВА

Выбар рэдакцыі

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM? 

Палітыка

Аляксандр Лукашэнка сустрэўся з прадстаўнікамі СМІ Расіі

Аляксандр Лукашэнка сустрэўся з прадстаўнікамі СМІ Расіі

Некалькі рэчаў сёлета адбываюцца ўпершыню.

Грамадства

Ці набудуць у гаспадароў старыя хаты?

Ці набудуць у гаспадароў старыя хаты?

Адэльскі сельскі савет, што ў Гродзенскім раёне, можна назваць брамай у Еўрасаюз.