Вы тут

Міншчына сустракае джаз


Адкрыты фестываль-конкурс джазавай музыкі «Чысць», які ўзяў пачатак у 2012 годзе па ініцыятыве Нацыянальнага акадэмічнага канцэртнага аркестра Беларусі, шосты раз збірае гасцей і ўдзельнікаў. Сёлета творчы форум пройдзе ў межах праекта «Міншчына сустракае джаз» 24—25 лістапада ў Чысцінскім сельскім доме культуры, які ўваходзіць у Цэнтралізаваную клубную сістэму Маладзечанскага раёна.


Удзел у фестывалі традыцыйна бяруць найлепшыя аматарскія калектывы (аркестры і салісты ўстаноў культуры, калектывы школ мастацтваў і каледжаў, без абмежавання ўзросту ўдзельнікаў) не толькі з Мінскай вобласці, але і з іншых рэгіёнаў краіны. На сёння свой удзел пацвердзілі паўтара дзясятка салістаў і каля дзесяці ансамбляў, у тым ліку з Брэстчыны і Магілёўшчыны. «Фестываль адкрыты для ўсіх ахвотных, таму чакаем і сольных выканаўцаў, і бэнды — да 20 лістапада прымаюцца заяўкі», — расказаў «Звяздзе» дырэктар Чысцінскага дома культуры Генадзь Сушко.

Удзельнікі конкурсу прадстаўляюць джазавую музыку ўсіх кірункаў, а прафесійнае журы, якое ацэньвае ўзровень выканальніцкага майстэрства, тэхніку валодання інструментамі, увасабленне сцэнічнага вобраза, адзначыць найлепшых дыпломамі і прызамі. Акрамя таго, у праграме — майстар-клас ад вядомых джазавых бэндаў і салістаў, агульнае выступленне ўдзельнікаў і журы, Арт-майстэрня «Садружнасць».

Вікторыя ЗАХАРАВА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.