Камісія па надзвычайных сітуацыях пры Савеце Міністраў Беларусі прыняла рашэнне праверыць усе гіпсакардонныя канструкцыі вялікай плошчы ў гандлёвых цэнтрах краіны. Пра гэта «Звяздзе» паведамілі ў прэс-службе Міністэрства па надзвычайных сітуацыях.
Такім чынам, мясцовыя распарадчыя і выканаўчыя органы да 19 лістапада складуць спісы аб'ектаў з масавым знаходжаннем людзей, дзе выкарыстоўваюцца канструкцыі з гіпсакардону. Яшчэ месяц спатрэбіцца на іх агляды. Вынікі паступяць у МНС, дзе іх абагульняць.
Нагадаем, што 12 лістапада ў мінскім гандлёва-забаўляльным цэнтры «Арэна-сіці» абвалілася частка падвеснай столі з гіпсакардону, з-за чаго пацярпеў адзін чалавек. Цяпер дзейнасць цэнтра часткова прыпынена, пытанне пра аднаўленне паўнавартаснай работы будзе ставіцца толькі пасля правядзення ўсіх неабходных экспертыз.
Валяр'ян ШКЛЕННІК
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
