Вы тут

Знакавыя імёны ды знакі якасці


Галоўныя віншаванні — на адрас народнага артыста Беларусі, лаўрэата Дзяржаўнай прэміі, мастацкага кіраўніка і галоўнага дырыжора Нацыянальнага акадэмічнага народнага аркестра імя І. Жыновіча, прафесара Міхаіла Казінца. Ужо сёння ў Вялікай зале Белдзяржфілармоніі — першы канцэрт марафону: маэстра — за пультам Дзяржаўнага акадэмічнага сімфанічнага аркестра Рэспублікі Беларусь, сола на скрыпцы — ад Арцёма Шышкова, лаўрэата шматлікіх прэстыжных міжнародных конкурсаў.


Аднак хто сочыць за творчасцю Міхаіла Казінца, разумее, што гэты дырыжор бярэцца за складаныя творы з нацыянальным сэнсам і характарам. І падчас марафону нас чакае прэм’ера: «Скарына. Вяртанне. Сем сцэн жыцця» кампазітара Ларысы Сімаковіч, што запланавана на 18 лістапада. Маштабны твор выканаюць Дзяржаўны акадэмічны сімфанічны аркестр Рэспублікі Беларусь, Дзяржаўная акадэмічная харавая капэла імя Р. Шырмы і Ян Жанчак у якасці саліста. Але канцэрт у гонар Казінца немагчымы без галоўнага аркестра для гэтага дырыжора — Нацыянальнага акадэмічнага народнага аркестра Рэспублікі Беларусь імя І. Жыновіча. Разам з ім таксама будуць іграць айчынныя музыканты-зоркі: лаўрэаты і пераможцы шматлікіх міжнародных конкурсаў Міхаіл Лявончык, Аляксандра Дзенісеня (цымбалы), Уладзіслаў Плігаўка і Дзяніс Чорны (баян). Апошнім канцэртам марафону стане выступленне аркестра імя І. Жыновіча разам з салістамі, нават артыстамі тэатра оперы і балета Беларусі.

«Беларуская музычная восень» насамрэч аб’яднае сёлета музыкантаў з усяго свету. Напрыклад, Дзяржаўны камерны аркестр Рэспублікі Беларусь прадставіў новы музычны абанемент, прысвечаны юбілею свайго кіраўніка, — «Яўген Бушкоў запрашае...». І яшчэ адзін канцэрт гэтага калектыву дасць магчымасць паслухаць піяністку Пламену Мангаву і флейтыстку Ірыну Стачынскую ўжо напрыканцы лістапада.

«Харавыя легенды» прадставіла Дзяржаўная харавая капэла імя Р. Шырмы на чале з дырыжорам Вольгай Янум. Але наперадзе — праграма «In Paradisum».

Ідэя праграмы «Пад знакам якасці» належала Ігару Задарожнаму, які імкнуўся нагадаць хіты савецкай эпохі, калі спявалі Муслім Магамаеў, Эдуард Хіль, Валерый Абадзінскі, Ганна Герман і інш.

Але варта звярнуць ўвагу на адмысловую праграму «Брава, акардэон!» Яе падрыхтаваў баяніст, лаўрэат міжнародных конкурсаў Уладзіслаў Плігаўка разам з лаўрэатам міжнародных конкурсаў з Расіі Мікітай Уласавым. Гэта будзе своеасаблівы адказ аматарам фартэпіяна: 8 лістапада музыканты адзначаць «Дзень піяніста». А тут багата класікі для віртуознага выканання: Бетховен, Шапэн, Ліст, Чайкоўскі, Элгар, Дэбюсі, Рахманінаў… І музыка беларускага сучаснага кампазітара Сяргея Бельцюкова ў такім суквецці. «Чароўныя гукі раяля» айчынныя слухачы любяць, таму заслужаная артыстка Рэспублікі Беларусь Ірына Шуміліна мае асобны канцэрт у рамках фестывалю.

І варта ўсё ж не забываць, што восень — час, калі спалучаюцца розныя рытмы жыцця, якое адстойвае сваё права на паўзы, імправізацыі і нечаканыя рашэнні. Калі ласка: канцэрт «Х JAZZ Мінск 2018». А для тых, каму мала, у дадатак — выступленне музыкантаў з Польшчы: спявачкі Дароты Міськевіч, піяніста Дамініка Вані і Atom String Quartet. Яшчэ больш экперыментаў — у праграме «Ад Брамса да Бітлз» (віяланчэльны квартэт «Rastrelli Cello Quartet»). Бо музыка ў нашым жыцці патрэбная розная, асабліва восенню, калі варта напоўніцца гукавымі фарбамі перад манахромнай зімой.

Падрыхтавала Марыя АСІПЕНКА

Выбар рэдакцыі

Грамадства

Пастырскае Пасланне Мітрапаліта Тадэвуша Кандрусевіча на Вялікдзень

Пастырскае Пасланне Мітрапаліта Тадэвуша Кандрусевіча на Вялікдзень

Глыбокапаважаныя святары, кансэкраваныя асобы, браты і сёстры!

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Ён прымеркаваны да Года малой радзімы.

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў.