Вы тут

21 лістапада ў Мінску выберуць «Студэнта года»


Фінал Рэспубліканскага конкурсу “Студэнт года” пройдзе ў Мінскім гарадскім палацы культуры. У ім сустрэнуцца пераможцы абласных этапаў і чатыры прадстаўнікі сталічных ВНУ, якія перамаглі на гарадскім этапе.


БРЭСЦКАЯ ВОБЛАСЦЬ:

Паліна ЛІСОЎСКАЯ, студэнтка 2 курса факультэта электронна-інфармацыйных сістэм Брэсцкага дзяржаўнага тэхнічнага ўніверсітэта. Сярэдні бал паспяховасці — 8,15.

Паліна вельмі пазітыўная і актыўная дзяўчына. З'яўляецца пастаяннай удзельніцай мерапрыемстваў Беларускага рэспубліканскага саюза моладзі, якія, дарэчы, сама і арганізоўвае, адказваючы за культурна-масавы сектар работы ва ўніверсітэце. Паліна заўзятая актывістка валанцёрскага руху "Добрае сэрца". З нядаўняга часу з'яўляецца таксама ўдзельніцай атрада МААП. Дзяўчына заўсёды гатова падтрымаць любую ініцыятыву. Не адмовіцца выдатна правесці час са сваёй сям'ёй і вялікай кампаніяй сяброў, якія стаяць за яе перамогу гарой.


ВІЦЕБСКАЯ ВОБЛАСЦЬ:

Марыя САЎЧАНКА, студэнтка 3 курса фінансава-эканамічнага факультэта Полацкага дзяржаўнага ўніверсітэта. Сярэдні бал паспяховасці — 9,80. 

У 2018 годзе Марыя стала стыпендыятам спецыяльнага фонду Прэзідэнта Рэспублікі Беларусь. Выдатную вучобу яна  паспяхова спалучае з навуковай дзейнасцю. Акрамя таго, Марыя з'яўляецца вакалісткай заслужанага вакальна-харэаграфічнага ансамбля “Камарыкі” і вакальнай групы “Miracle”, якая не раз станавілася пераможцам гарадскіх, абласных, рэспубліканскіх і нават міжнародных конкурсаў. На працягу ўсяго навучання Марыя рэалізоўвае сябе ў сферы студэнцкага самакіравання. З'яўляецца не толькі членам студэнцкага савета факультэта і каардынацыйнагасавета ўніверсітэта, але і членам Грамадскага рэспубліканскага студэнцкага савета пры Міністэрстве адукацыі. З 2012 года з’яўляецца  актывістам БРСМ.. Цяпер Марыя — намеснік сакратара ўніверсітэцкай першаснай арганізацыі, камандзір студэнцкага педагагічнага атрада “Фартуна” і студэнцкага валанцёрскага атрада “Насустрач”.


ГОМЕЛЬСКАЯ ВОБЛАСЦЬ:

Алеся ГАТАЛЬСКАЯ, студэнтка 5 курса лячэбнага факультэта Гомельскага дзяржаўнага медыцынскага ўніверсітэта. Сярэдні бал паспяховасці — 8,91.

“Мяне клічуць Алеся, у перакладзе са старажытна-грэцкай мовы гэта значыць “абаронца”, таму я вырашыла звязаць сваё жыццё з медыцынай і паступіць у медыцынскі ўніверсітэт, — кажа сама пра сябе дзяўчына. — Прафесія ўрача патрабуе адказнасці, ветлівасці і дабрыні, і я заўсёды імкнуся ёй адпавядаць! З дзяцінства была вельмі актыўным дзіцем і да гэтага часу маю шмат захапленняў: спорт, рукадзелле, фота… Танцамі займаюся з пяці гадоў. Сёння я студэнтка 5 курса. Ініцыятыўнасць, камунікабельнасць, мэтанакіраванасць і самаўдасканаленне — крэда майго студэнцкага жыцця!


ГРОДЗЕНСКАЯ ВОБЛАСЦЬ:

Антон ЛЕМЕШ, студэнт 5 курса педыятрычнага факультэта Гродзенскага дзяржаўнага медыцынскага ўніверсітэта. Сярэдні бал паспяховасці — 8,78.

Хлопцу ўласцівы творчы і адказны падыход да ўсіх пачынанняў, які дапамагае яму дабівацца высокіх вынікаў у вучобе, навуцы, КВЗ, спорце і грамадскай дзейнасці.


МАГІЛЁЎСКАЯ ВОБЛАСЦЬ:

Юлія УЗЯНАВА, студэнтка 3 курса інжынерна-эканамічнага факультэта Беларуска-расійскага ўніверсітэта. Сярэдні бал паспяховасці — 9.00.

Юлія — творчая асоба: спявае з двух гадоў, а прафесійна пачала займацца вакалам у 14.  Займаецца спортам, любіць выступаць на розных мерапрыемствах у якасці вядучага, весці інтэрактыў з іншымі людзьмі. Распрацоўвае прататыпы і дызайн сайтаў, інтэрнэт-крам, мабільных дадаткаў. Паступіўшы ва ўніверсітэт, займалася два гады армрэстлінгам, а цяпер займаецца фітнесам для сябе. У людзях цэніць сумленнасць і жаданне развівацца. Як дэвіз па жыцці — “За мару трэба змагацца”


ПРАДСТАЎНІКІ МІНСКА:

Вікторыя ЛАПО, студэнтка 3 курса факультэта камерцыі і турыстычнай індустрыі Беларускага дзяржаўнага эканамічнага ўніверсітэта. Сярэдні бал паспяховасці — 8,31.

Дзяўчына з Барысава прагне быць мэтанакіраванай і шчаслівай. Яе круг захапленняў настолькі шырокі, што пасля заняткаў ва ўніверсітэце яна бяжыць на трэніроўкі па танцах, у перапынках можа сыграць вам  “Паланэз” Агінскага на фартэпіяна, а па дарозе дадому зрабіць кучу фотаздымкаў той прыгажосці, якую можа заўважыць не кожны.


Яна ШПІЛЕЎСКАЯ, студэнтка 2 курса факультэта нямецкай мовы Мінскага дзяржаўнага лінгвістычнага ўніверсітэта, сярэдні бал паспяховасці — 8,83.

Калі табе патрэбны чароўны кампаньён па выратаванні свету — звярніся да Яны! Усмешка, звонкі голас і мэтанакіраванасць дапамагаюць ёй дасягаць мэтаў і не спыняцца на дасягнутым! Усё, што яна адчувае, дзяўчына ўвасабляе ў музыцы, яе песні не пакінуць абыякавым нікога!


Ігар ГЕЛДЗІНСКІ, студэнт 3 курса факультэта традыцыйнай беларускай культуры Беларускага дзяржаўнага ўніверсітэта культуры і мастацтваў. Сярэдні бал паспяховасці — 8,92.

“Які ўсё ж такі я? Для мяне самога часам гэта загадка ... Гаваркі, добры, спагадлівы, і, напэўна будзе дарэчы сказаць, сапраўдны. Ключавое месца ў маім жыцці займае харэаграфія. Дзякуючы ёй і разам з ёй, я рухаюся па жыцці і дасягаю новых мэтаў. За кароткі тэрмін навучання ва ўніверсітэце зарэкамендаваў сябе толькі з лепшага боку. Атрымаў сумленную перамогу на конкурсе “Містар Універсітэт”, стаў стыпендыятам імянной стыпендыі імя Грыгаровіч (БДУКМ). Пачаў працаваць у шоў-балеце “Прайд” Іскуі Абалян. У тэатр музычнай камедыі мяне запрасілі артыстам балета. І, самае галоўнае, я зразумеў, што гэта правільна абраная сцежка.”


Павел ШАЙТАНАЎ, студэнт 3 курса аграмеханічнага факультэта Беларускага дзяржаўнага аграрнага тэхнічнага ўніверсітэта.

Крэатыўны малады чалавек з актыўнай жыццёвай пазіцыяй, які ўвесь час імкнецца спазнаць новае. Добры і мілы хлопец я з баянам! Жыццёвае крэда —  верыць, самасцвярджацца і марыць!

У цэнтральнай групе БРСМ "Беларускі Рэспубліканскі Саюз Моладзі" у сацыяльнай сетцы “УКантакце” стартавала галасаванне за найлепшы гумарыстычны ролік фіналіста на тэму "Я — студэнт!”. Менавіта карыстальнікі віртуальнай сеткі і вызначаць пераможцу ў намінацыі "Студэнт года ONLINE”. Галасаванне завершыцца ў дзень правядзення фіналу.

Надзея НІКАЛАЕВА

Выбар рэдакцыі

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM? 

Палітыка

Аляксандр Лукашэнка сустрэўся з прадстаўнікамі СМІ Расіі

Аляксандр Лукашэнка сустрэўся з прадстаўнікамі СМІ Расіі

Некалькі рэчаў сёлета адбываюцца ўпершыню.

Грамадства

Ці набудуць у гаспадароў старыя хаты?

Ці набудуць у гаспадароў старыя хаты?

Адэльскі сельскі савет, што ў Гродзенскім раёне, можна назваць брамай у Еўрасаюз.