Вы тут

Самы вялікі інтэрактыўны ўрок правядзе для тысячы школьнікаў velcom


Другі этап рэспубліканскага конкурсу для вучняў 10-х і 11-х класаў velcom YOUTH распачнецца з самага вялікага ўроку ў краіне. Ужо ў гэтую суботу 24 лістапада інтэрактыўны майстар-клас “Майстэрства прэзентацыі” адначасова аб’яднае старшакласнікаў па ўсёй Беларусі. Ён пройдзе ў самай вялікай зале кінатэатра velcom cinema VOKA. Удзел у ім прымуць больш за 200 старшакласнікаў школ, гімназій і ліцэяў Мінска, а таксама больш як 800 зарэгістраваных удзельнікаў конкурсу з 236 навучальных устаноў Беларусі.


Cацыяльна-адукацыйны праект velcom YOUTH рэалізуе кампанія velcom пры падтрымцы Міністэрства адукацыі і арганізатараў канферэнцыі TEDx Minsk. Яго адметнасць у тым, што ўся камунікацыя (ад падачы заяўкі да прэзентацыі ў фінале) будзе весціся на беларускай мове. Падлеткі, якія хочуць змяніць навакольны свет да лепшага,  прапануюць сваю тэму ў адным з трох напрамкаў: тэхналогіі, культура або інклюзія.

На мінулым тыдні арганізацыйны камітэт падвёў вынікі збору заявак ад удзельнікаў конкурсу. Самай актыўнай навучальнай установай у краіне стала віцебская сярэдняя школа № 44, дзе адважыліся прапанаваць свае ідэі каля 100 вучняў. Агульная геаграфія праекта ахоплівае амаль 90 населеных пунктаў у краіне краіны – ад сталіцы, абласных і раённых цэнтраў да сельскіх школ і школ-інтэрнатаў. Праект velcom YOUTH стаў па-сапраўднаму агульна-нацыянальным, дайшоў да самых зацікаўленых і матываваных школьнікаў.

Тэхнічна самы вялікі ўрок у краіне будзе забяспечаны пры дапамозе прамой трансляцыі майстар-класа праз сэрвіс анлайн-тэлебачання VOKA для зарэгістраваных удзельнікаў праекта. Акрамя таго, усе зацікаўленыя навучэнцы краіны змогуць паглядзець трансляцыю абсалютна бясплатна на канале лічбавага тэлебачання VOKA YOUTH, спасылка будзе размешчана на сайце праекта velcom-youth.by.

Тры асноўныя майстар-класы пройдуць у кінатэатры velcom cinema сеткі Silver Screen (г. Мінск, вул. П. Мсціслаўца, 11). Настаўнікам, які правядзе першы вялікі ўрок, стане Дзмітрый Смірноў – спікінг-коуч TEDxMinsk, кіраўнік школы прамоўніцкага майстэрства, бізнес-трэнер, генеральны прадзюсар Радыё Бі-Эй, радыёвядучы. Два наступныя майстар-класы “Майстэрства выступлення” і “Майстэрства лідара” пройдуць у снежні і студзені.

На трэцім конкурсным этапе з 20 студзеня па 20 лютага хлопцам і дзяўчатам  неабходна будзе рэалізаваць сваю ідэю: падрыхтаваць і правесці нефармальнае адукацыйнае мерапрыемства: майстар-клас, дэбаты ці дыскусію па абранай тэме свайго праекта. Відэаролік з прэзентацыяй рэалізаванага праекта і доказамі яго значнасці і перспектыўнасці неабходна будзе размясціць на сваёй старонцы ў сацыяльных сетках з хэштэгам #velcomYOUTH і даслаць спасылку на info@velcom-youth.by.

Аўтары самых сацыяльна значных, сучасных і арыгінальных праектаў трапяць у лік 10 фіналістаў. Яны наведаюць TEDxMinsk 2019 і пачнуць працаваць над прэзентацыяй сваёй ідэі з найлепшымі ментарамі. Іх выступленні адбудуцца на выніковым мерапрыемстве TEDxYouth@Minsk у маі 2019 года. Усе 10 фіналістаў атрымаюць прызы – мабільныя тэлефоны iPhone Xs, а трое пераможцаў (па адным у кожным напрамку конкурсу) будуць запрошаныя на мерапрыемства TEDx у Аўстрыю.

Больш падрабязна прачытаць пра вынікі першага этапу, а таксама паглядзець спісы зарэгістраваных удзельнікаў конкурсу можна на сайце velcom-youth.by, а таксама на сайце кампаніі velcom

Надзея НІКАЛАЕВА

Выбар рэдакцыі

Грамадства

Як выхаваць даследчыка за школьнай партай?

Як выхаваць даследчыка за школьнай партай?

Чаму ўсе краіны, якія развіваюць інавацыйную эканоміку, робяць сёння стаўку на STЕM? 

Палітыка

Аляксандр Лукашэнка сустрэўся з прадстаўнікамі СМІ Расіі

Аляксандр Лукашэнка сустрэўся з прадстаўнікамі СМІ Расіі

Некалькі рэчаў сёлета адбываюцца ўпершыню.

Грамадства

Ці набудуць у гаспадароў старыя хаты?

Ці набудуць у гаспадароў старыя хаты?

Адэльскі сельскі савет, што ў Гродзенскім раёне, можна назваць брамай у Еўрасаюз.